അമിത് ചക്കാലക്കല്, അനു സിത്താര എന്നിവരെ പ്രധാന കഥാപാത്രങ്ങളാക്കി അജിത് തോമസ് സംവിധാനം ചെയ്യുന്ന ‘സന്തോഷം’ എന്ന ചിത്രത്തിന്റെ പൂജയും സ്വിച്ചോണ് കര്മ്മവും എറണാകുളം മരട് ബൈപാസ് റോഡിലുള്ള വെന്ച്ച്യൂറ ഹോട്ടലില് വെച്ച് നടന്നു.
ചടങ്ങില് പ്രശസ്ത സംവിധായകന് ജിത്തു ജോസഫ് ഭദ്രദീപം തെളിയിച്ചശേഷം സ്വിച്ചോണ് കര്മ്മം ജിത്തു ജോസഫ് നിര്വ്വഹിച്ചു. പ്രശസ്ത സംവിധായകന് അരുണ് ഗോപി ആദ്യ ക്ലാപ്പടിച്ചു. ചടങ്ങില് ബാദുഷ, നോബിള് ജേക്കബ്, സുനീഷ് വാരനാട്,ടിങ്കു പീറ്റര്, അനു സിത്താര, മല്ലിക സുകുമാരന്,ആശ അരവിന്ദ്, ഗായിക നിത്യ മാമന് തുടങ്ങിയവര് പങ്കെടുത്തു.
മീസ്- എന്- സീന് എന്റര്ടെയ്ന്മെന്റിന്റെ ബാനറില് ഇഷ പട്ടാലി, അജിത് തോമസ് എന്നിവര് ചേര്ന്ന് നിര്മിക്കുന്ന ഈ ചിത്രത്തില് കലാഭവന് ഷാജോണ്, ഡോക്ടര് സുനീര്, മല്ലിക സുകുമാരന്, ആശ അരവിന്ദ്, ബേബി ലക്ഷ്മി തുടങ്ങിയ പ്രമുഖരും അഭിനയിക്കുന്നു. കാര്ത്തിക് എ ഛായാഗ്രാഹണം നിര്വ്വഹിക്കുന്നു. അര്ജുന് സത്യന് തിരക്കഥ സംഭാഷണമെഴുതുന്നു. വിനായക് ശശികുമാറിന്റെ വരികള്ക്ക് പി എസ് ജയ്ഹരി സംഗീതം പകരുന്നു.
എഡിറ്റര്- ജോണ്കുട്ടി. എക്സിക്യൂട്ടീവ് പ്രൊഡ്യൂസര്-ജോസഫ് സേവ്യര്,ലൈന് പ്രൊഡ്യൂസര്- ജോമറ്റ് മണി യെസ്റ്റ, പിങ്കു ഐപ്പ്, പ്രൊഡക്ഷന് കണ്ട്രോളര്- ഇക്ബാല് പാനായിക്കുളം, കല- രാജീവ് കോവിലകം, വാര്ത്ത പ്രചരണം- എ.എസ്. ദിനേശ്.
