കോട്ടയം:ഒന്നരവര്‍ഷങ്ങള്‍ക്ക് ശേഷം സ്‌കൂളില്‍ തിരിച്ചെത്തിയ കുരുന്നുകള്‍ക്ക് പ്രക്യതി സൗഹ്യത വരവേല്‍പ്പ് നല്‍കുകയാണ് കോട്ടയം മൗണ്ട് കാര്‍മല്‍ സ്‌കൂള്‍. പ്രവേശനോത്സവത്തില്‍ അഞ്ച് ,ആറ് ക്ലാസുകളിലെ 400 കുട്ടികളാണ് പങ്കെടുത്തത് .
പ്രകൃതി സൗഹൃദ അലങ്കാര വസ്തുക്കള്‍ കൊണ്ട് സ്‌കൂള്‍ മനോഹരമാക്കിയിരുന്നു. വാര്‍ഡ് കൗണ്‍സിലര്‍ അജിത് പ്രവേശനോത്സവം ഉദ്ഘാടനം ചെയ്തു. സിനിമാതാരവും മിസ് ഫേസ് ഓഫ് ഇന്ത്യയുമായ അഞ്ചു കൃഷ്ണ അശോക് മുഖ്യാതിഥിയായിരുന്നു. ലോക്കല്‍ മാനേജര്‍ സിസ്റ്റര്‍ ധന്യ, അഡ്വക്കേറ്റ് ഫില്‍സണ്‍ മാത്യൂസ് തുടങ്ങിയവര്‍ വിശിഷ്ടാതിഥികളായിരുന്നു.
തുണി മാസ്‌ക്,, പേപ്പര്‍ പേന, ഗ്രീറ്റിംഗ് കാര്‍ഡ്, പച്ചക്കറിവിത്തുകള്‍, മിഠായികള്‍ എന്നിവ അടങ്ങിയ കിറ്റുകള്‍ മുഖ്യ അതിഥികള്‍ വിതരണം ചെയ്തു. പേപ്പര്‍ ബാഗ് പേപ്പര്‍ പെന്‍, തുണി മാസ്‌ക് ,ഗ്രീറ്റിംഗ് കാര്‍ഡ് ഇവയെല്ലാം വിവിധ ക്ലബ്ബുകളിലെ കുട്ടികളും അധ്യാപകരും നിര്‍മ്മിച്ചതാണ്.
സ്‌കൂളിലേക്ക് തിരിച്ചെത്തിയ നവാഗതര്‍ നിറഞ്ഞ സന്തോഷത്തോടു കൂടിയാണ് ഓരോ പരിപാടിയിലും പങ്കെടുത്തത്. വിവിധ ക്‌ളബുകളിലെ കുട്ടികള്‍ അവര്‍ക്കായി പ്രത്യേക വിനോദ പരിപാടികള്‍ സംഘടിപ്പിച്ചിരുന്നു. വിദ്യാലയ കാഴ്ചകള്‍ കുട്ടികള്‍ക്ക് വേറിട്ടൊരു അനുഭവമായി.
പ്രതികരിക്കാൻ ഇവിടെ എഴുതുക: