കൊച്ചി : കൊച്ചി വിമാനത്താവളം വഴി സ്വര്ണ്ണക്കടത്തിന് ശ്രമം. രണ്ടരക്കോടി വിലമതിക്കുന്ന അഞ്ച് കിലോ സ്വര്ണമാണ് പിടികൂടിയത്. കസ്റ്റംസ് പ്രവിന്റീവ് വിഭാഗം വിമാനത്താവളത്തില് നടത്തിയ മിന്നല് പരിശോധനയിലാണ് സ്വര്ണം പിടികൂടിയത്. ഒരു സ്ത്രീ ഉള്പ്പെടെ ഏഴ് പേരെ കസ്റ്റഡിയില് എടുത്തതായാണ് വിവരം.
പിടിയിലായവരെ കസ്റ്റംസ് ചോദ്യം ചെയ്ത് വരികയാണ്. സ്വര്ണ മിശ്രിതമാണ് കണ്ടെടുത്തതെന്നും ഭട്കല്, വടകര, പത്തനംതിട്ട എന്നിവിടങ്ങളില് നിന്നുള്ളവരാണ് പിടിയിലായതെന്നും വിവരമുണ്ട്.
