മുംബൈ: ആര്യന്‍ ഖാന് വിതച്ചത് കൊയ്‌തെന്ന് ബോളിവുഡ് നടന്‍ പിയൂഷ് മിശ്ര. ആര്യന്‍ ഖാന് ജാമ്യം കിട്ടിയതിനെക്കുറിച്ച് ചോദിച്ചപ്പോഴായിരുന്നു വെള്ളിയാഴ്ച പീയൂഷ് മിശ്രയുടെ ഈ തുറന്നടിക്കല്‍.
ഷാരൂഖിനൊപ്പം 1998ലെ ദില്‍ സെ എന്ന ചിത്രത്തില്‍ സഹനടനായിരുന്നു പിയൂഷ് മിശ്ര. എന്തായാലും ബോളിവുഡ് താരങ്ങള്‍ അവരുടെ മക്കളെ നന്നായി ശ്രദ്ധിക്കേണ്ടതുണ്ടെന്നും പിയൂഷ് മിശ്ര പറഞ്ഞു.
‘എന്തായാലും ജാമ്യം കിട്ടി. ഇപ്പോള്‍ ഷാരൂഖിനും ആര്യന്‍ ഖാനും നര്‍ക്കോട്ടിക് കണ്‍ട്രോള്‍ ബ്യൂറോ സോണല്‍ ഡയറക്ടര്‍ സമീര്‍ വാങ്കഡെ എന്നിവര്‍ക്ക് കാര്യങ്ങള്‍ വ്യക്തമായി അറിയാം. എന്തായാലും വിതച്ചതേ നമ്മള്‍ കൊയ്യൂ. നിങ്ങളുടെ മക്കളെ നന്നായി നോക്കണം. അതാണ് കാര്യം,’- അദ്ദേഹം പറഞ്ഞു.
ഒക്ടോബര്‍ ആദ്യ ആഴ്ചയിലാണ് ആര്യന്‍ ഖാന് ആഡംബരകപ്പിലില്‍ നടന്ന മയക്കമരുന്ന് പാര്‍ട്ടിയെത്തുടര്‍ന്ന് നര്‍കോട്ടിക് കണ്‍ട്രോള്‍ ബ്യൂറോ പിടിയിലായത്. കഴിഞ്ഞ ദിവസമാണ് മുംബൈ ഹൈക്കോടതി ആര്യന്‍ ഖാന് ജാമ്യം അനുവദിച്ചത്.
പ്രതികരിക്കാൻ ഇവിടെ എഴുതുക: