ആസിഫ്അലി, രജിഷ വിജയന് എന്നിവര് പ്രധാന കഥാപാത്രങ്ങളാകുന്ന ‘എല്ലാം ശരിയാകും’ എന്ന ചിത്രത്തിലെ ആദ്യ വീഡിയോ ഗാനം പുറത്തിറക്കി. മെഗാ സ്റ്റാര് മമ്മൂട്ടി തന്റെ ഫേസ് ബുക്ക് പേജിലൂടെയാണ് ഗാനം റിലീസ് ചെയ്തത്. ജിബു ജേക്കബാണ് ചിത്രത്തിന്റെ സംവിധാനം നിര്വഹിക്കുന്നത്.
ബി.കെ. ഹരിനാരായണന് എഴുതി ഔസേപ്പച്ചന് സംഗീതം പകരുന്ന ഹരിശങ്കര് ആലപിച്ച ‘പിന്നെന്തേ എന്തെ മുല്ലേ….’എന്ന ഗാനമാണ് റിലീസാക്കിയത്. ഔസേപ്പച്ചന് സംഗീതം പകരുന്ന ഇരുനൂറാമത്തെ ചിത്രമാണ് ‘എല്ലാം ശരിയാകും’. സിദ്ദിഖ്, കലാഭവന് ഷാജോണ്, സുധീര് കരമന, ജോണി ഏന്റണി, ജെയിംസ് ഏല്യ, ജോര്ഡി പൂഞ്ഞാര്, സേതുലക്ഷ്മി, മഹാനദി ഫെയിം തുളസി തുടങ്ങിയലവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നു.
തോമസ് തിരുവല്ല ഫിലിംസ്, ഡോക്ടര് പോള്സ് എന്റര്ടെയിന്മെന്റ് എന്നിവയുടെ ബാനറില് തോമസ് തിരുവല്ല, ഡോക്ടര് പോള് വര്ഗീസ് എന്നിവര് ചേര്ന്ന് നിര്മ്മിക്കുന്ന ഈ ചിത്രത്തിന്റെ ഛായാഗ്രഹണം ശ്രീജിത്ത് നായര് നിര്വ്വഹിക്കുന്നു. പാരിസ് മുഹമ്മദ് തിരക്കഥ, സംഭാഷണം എഴുതുന്നു. എഡിറ്റര് സൂരജ് ഇ.എസ്., സത്യം ഓഡിയോസാണ് ഗാനങ്ങള് അവതരിപ്പിക്കുന്നത്. നവംമ്പര് 19ന് സെന്ട്രല് പിക്ചേഴ്സ് ചിത്രം തിയേറ്ററുകളിലെത്തിക്കും. വാര്ത്താ പ്രചരണം എ എസ് ദിനേശ്.
