മലയാളിയുടെ പ്രിയ നടന് മനോജ് കെ. ജയന് ആലപിച്ച ‘മക്ക മദീന മുത്തു നബീ’ എന്ന മാപ്പിളപ്പാട്ടിനെ ഏറ്റെടുത്ത് ജനങ്ങള്. പാട്ട്പുറത്തിറങ്ങി ദിവസങ്ങള്ക്കുള്ളില് തന്നെ സമൂഹമാധ്യമങ്ങള് അതിനെ ഏറ്റെടുത്ത് കഴിഞ്ഞു. വലിയ വീട്ടില് ക്രിയേഷന്സിന്റെ ബാനറില് വി.ഐ. പോളാണ് നിര്മാണം നിര്വഹിച്ച ‘മക്കത്തെ ചന്ദ്രിക’ എന്ന ആല്ബത്തിന് വേണ്ടിയാണ് മനോജ് കെ. ജയന് പാടിയത്.
ദോഹയില് പ്രവാസിയായ ഒട്ടേറെ ഹിറ്റ് ആല്ബങ്ങള്ക്ക് സംഗീതം നല്കിയിട്ടുള്ള അന്ഷാദ് തൃശ്ശൂരാണ് ‘മക്കത്തെ ചന്ദ്രിക’ ഒരുക്കി യിട്ടുള്ളത്. നിരവധി ഹിറ്റ് മാപ്പിളപ്പാട്ടുകളിലൂടെ സുപരിചിതനായ ഫൈസല് പൊന്നാനിയുടേതാണ് വരികള്. നേരത്തെ ഹസ്ബീ റബ്ബീ എന്ന മനോജ് കെ. ജയന്റെ ഗാനം വൈറലായിരുന്നു.
മെഗാസ്റ്റാര് മമ്മൂട്ടിയുടെ ഫേസ്ബുക്ക് പേജിലൂടെ റിലീസ് ചെയ്ത ആല്ബം നടന് സിദ്ദിഖ്, നടനും സംവിധായകനുമായ രമേഷ് പിഷാരടി തുടങ്ങി നിരവധി പ്രമുഖരാണ് സമൂഹ മാധ്യമങ്ങളിലൂടെ പങ്കു വെച്ചത്. മോഹന്ലാലും മമ്മൂട്ടിയുമടക്കം നിരവധി ആളുകള് പാട്ടു കേട്ടു മനോജ് കെ. ജയനെ വിളിച്ചു അഭിനന്ദിക്കുകയുമുണ്ടായി.
