തിരുവനന്തപുരം: കേരള പത്രപ്രവര്ത്തക യൂനിയന് തിരുവനന്തപുരം ജില്ല കമ്മിറ്റി സംഘടിപ്പിച്ച കേസരി – സമീറ കപ്പ് ഫുട്ബോള് ടൂര്ണമെന്റില് അമൃത ടിവിയും ജനം ടി വി യും ഫൈനലില് പ്രവേശിച്ചു. ലൂസേഴ്സ് ഫൈനലില് ദേശാഭിമാനിയെ പരാജയപ്പെടുത്തി കേരള കൗമുദി മൂന്നാം സ്ഥാനക്കാരായി.
ആദ്യ സെമിയില് ദേശാഭിമാനിയെ രണ്ടിനെതിരെ മൂന്ന് ഗോളുകള്ക്ക് പരാജയപ്പെടുത്തിയാണ് അമൃതയുടെ ഫൈനല് പ്രവേശം. അമൃതക്ക് വേണ്ടി ശ്രീനാഥ് പള്ളത്ത്, അര്ജുന് മാറോളി, ഷിബിന് എന്നിവരാണ് ഗോള് നേടിയത്. ദേശാഭിമാനിയുടെ രണ്ട് ഗോളുകളും മനോജാണ് നേടിയത്.
ആദ്യ പകുതിയില് ഓരോ ഗോളുകള് നേടി സമനില പാലിച്ചെങ്കിലും രണ്ടാം പകുതിയില് അമൃത മുന്നേറുകയായിരുന്നു.
രണ്ടാം സെമി ഫൈനലില് ജനം ടി വി രണ്ടിനെതിരെ മൂന്ന് ഗോളുകള്ക്ക് കേരള കൗമുദിയെ പരാജയപ്പെടുത്തി. ജനം ടി വിക്ക് വേണ്ടി വിനു, ജിനേഷ്, വിഷ്ണു എന്നിവര് ഗോള് നേടിയപ്പോള് കേരളകൗമുദിക്ക് വേണ്ടി ശ്യാമും മഹേഷും ലക്ഷ്യം കണ്ടു.
ഷൂട്ടൗട്ടിലൂടെ വിജയികളെ തീരുമാനിച്ച ലൂസേഴ്സ് ഫൈനലില് രണ്ടിനെതിരെ നാല് ഗോളുകള്ക്ക് ദേശാഭിമാനിയെ പരാജയപ്പടുത്തി കേരള കൗമുദി ജേതാക്കളായി.
