എസിഎസ് സിനിമാസിന്റെ ബാനറില് ഷിബു ജി സുശീലന് നിര്മ്മിച്ച ‘വരവ്’ എന്ന ഷോര്ട്ട് ഫിക്ഷന് ചിത്രം സ്റ്റാര് ഡെയ്സ് യൂട്യൂബ് ചാനലില് റിലീസായി. ആമി രാജീവിനെ പ്രധാന കഥാപാത്രമാക്കി കോളേജ് വിദ്യാര്ത്ഥിയായ വിഷ്ണു ഭവാനി സംവിധാനം ചെയ്യുന്ന ഈ ചിത്രത്തില് ഷിജിന, സന്തോഷ്, രവി, നിമ്മല എന്നിവരും അഭിനയിക്കുന്നു.
ഒരു മിത്തിനെ ആസ്പദമാക്കി ഒരുക്കുന്ന ഈ ചിത്രത്തിന്റെ ഛായാഗ്രഹണം അഭിലാഷ് കരുണാകരന്, പ്രശാന്ത് ഭവാനി എന്നിവര് നിര്വ്വഹിക്കുന്നു. ‘ബുദ്ധിമുട്ട് അനുഭവിക്കുന്ന സിനിമ തൊഴിലാളികളുടെ സഹായത്തിനു കൂടിയാണ് ഈ ചാനല് തുടങ്ങുന്നത്.
ഈ ചാനലില് നിന്ന് വരുമാനം കിട്ടുന്നത് മുതല് സഹായം അവരില് എത്തി ചേരുമെന്ന് നിര്മാതാവും പ്രൊഡക്ഷന് കണ്ട്രോളറുമായ ഷിബു ജി സുശീലന് പറഞ്ഞു.എഡിറ്റര്-നിതിന് രാജ് ആരോള്, സംഗീതം-വസീം-മുരളി, ക്രിയേറ്റിവ് ഡയറക്ഷന്- സായി ശ്യാം, തിരക്കഥ- വിഷ്ണു ദാസ് കെ.വി, സൗണ്ട് ഡിസൈന്- ഷൈജു എം, അരുണ് പി.എ, വാര്ത്ത പ്രചരണം-എ എസ് ദിനേശ്.
