മലയാളത്തിന്റെ മെഗാസ്റ്റാര് മമ്മൂട്ടിയും നടി പാര്വതി തിരുവോത്തും കേന്ദ്രകഥാപാത്രങ്ങളായി എത്തുന്ന ചിത്രം ‘പുഴു’വിന്റെ പുതിയ ക്യാരക്ടര് പോസ്റ്റര് പുറത്ത്. നവാഗതയായ റത്തീന ഷര്ഷാദ് സംവിധാനം ചെയ്യുന്ന ചിത്രത്തിലെ സ്റ്റൈലിഷ് ലുക്കിലുള്ള മമ്മൂട്ടിയുടെ ക്യാരക്ടര് ലുക്കാണ് പുറത്തുവിട്ടിരിക്കുന്നത്. സിന് സില് സെല്ലുലോയ്ഡിന്റെ ബാനറില് എസ്. ജോര്ജ്ജ് ആണ് സിനിമയുടെ നിര്മാണം. ദുല്ഖര് സല്മാന്റെ വേ ഫെറര് ഫിലിംസാണ് ചിത്രത്തിന്റെ സഹനിര്മ്മാണവും വിതരണവും.
ഇത് മൂന്നാം തവണയാണ് മമ്മൂട്ടി വനിതാ സംവിധായികയുടെ സിനിമയില് അഭിനയിക്കുന്നതെന്ന പ്രത്യേകതയുമുണ്ട്. ഉണ്ട സിനിമയക്ക് കഥയെഴുതിയ ഹര്ഷാദാണ് പുഴുവിന്റെ കഥഎഴുതിയിരിക്കുന്നത്. ഷറഫ്, സുഹാസ് കൂട്ടുകെട്ടാണ് തിരക്കഥ. മമ്മൂട്ടി, പാര്വതി എന്നിവര്ക്കൊപ്പം പ്രമുഖരായ ഒരുപിടി താരനിര തന്നെ പുഴുവിന്റെ ഭാഗമായി എത്തുന്നുണ്ട്. തേനി ഈശ്വറാണ് ചിത്രത്തിന്റെ ഛായഗ്രാഹകന്. പേരന്പ്, ധനുഷ് ചിത്രം കര്ണ്ണന്, അച്ചം യെന്പത് മടമയാടാ, പാവൈ കഥൈകള് തുടങ്ങിയ ചിത്രങ്ങളുടെ കാമറ കൈകാര്യം ചെയ്തത് തേനി ഈശ്വരാണ്.
ബാഹുബലി, മിന്നല് മുരളി തുടങ്ങിയ ചിത്രങ്ങളുടെ കലാ സംവിധായകനായ മനു ജഗദ് ആണ്, പുഴുവിന്റെയും കലാസംവിധാനം. റെനിഷ് അബ്ദുള്ഖാദര്, രാജേഷ് കൃഷ്ണ, ശ്യാം മോഹന് എന്നിവരാണ് എക്സിക്യൂട്ടീവ് പ്രൊഡ്യൂസേഴ്സ്. എഡിറ്റര് ദീപു ജോസഫ്, സംഗീതം ജേക്സ് ബിജോയ്, പ്രൊജക്ട് ഡിസൈനര് എന്.എം ബാദുഷ, വിഷ്ണു ഗോവിന്ദും, ശ്രീശങ്കറും ചേര്ന്നാണ് സൗണ്ട് നിര്വ്വഹിച്ചിരിക്കുന്നത്, പ്രൊഡക്ഷന് കണ്ട്രോളര് പ്രശാന്ത് നാരായണന്, വസ്ത്രാലങ്കാരം സമീറ സനീഷ്, സ്റ്റില്സ് രോഹിത് കെ സുരേഷ്, അമല് ചന്ദ്രനും & എസ്. ജോര്ജ്ജും ചേര്ന്നാണ് മേക്കപ്പ്, പബ്ലിസിറ്റി ഡിസൈന്സ് ആനന്ദ് രാജേന്ദ്രന്, പി.ആര്.ഒ പി. ശിവപ്രസാദ്.
