ബെംഗളൂരു: തകരാറിലായ വിമാനത്തില് തനിക്കൊപ്പമുണ്ടായിരുന്ന സഹയാത്രക്കാര്ക്ക് മുഴുവന് വിമാനകമ്പനിയെ കൊണ്ട്തന്നെ ബദല് യാത്ര സംവിധാനം ഒരുക്കിച്ച് കേന്ദ്രമന്ത്രി ശോഭാ കരന്തലജെ. കഴിഞ്ഞ ദിവസം ബെംഗളൂരുവില് നിന്നും ബൈദരാബാദിലേയ്ക്ക് യാത്ര തിരിക്കാനിരുന്ന വിമാനമാണ് തകരാറിലായത്. അടിയന്തിരമായി മന്ത്രിയ്ക്ക് വിമാനക്കമ്പനി സൗകര്യം ഒരുക്കി നല്കി. എന്നാല് മന്ത്രി തനിക്ക് മാത്രമായി ലഭിച്ച ഓഫര് നിരസിക്കുകയും തനിക്കൊപ്പം യാത്ര ചെയ്ത മുഴുവന് യാത്രക്കാര്ക്കും ബദല് സംവിധാനം ഒരുക്കിയിട്ടേ താന് പകരം ഒരുക്കിയ വിമാനത്തില് കയറുകയുള്ളുവെന്ന് അധികൃതരെ അറിയിച്ചു.
തുടര്ന്ന് കമ്പനി ഉദ്യോഗസ്ഥര് ഇടപെടുകയും എല്ലാ യാത്രക്കാര്ക്കും മറ്റൊരു വിമാനത്തില് യാത്ര ചെയ്യാനുള്ള സൗകര്യം ഒരുക്കി നല്കുകയായിരുന്നു. സംഭവം സാമൂഹ്യമാധ്യമങ്ങളില് യാത്രക്കാരില് ചിലര് തന്നെ പങ്കുവെക്കുകയും വൈറലാകുകയും ചെയ്തു. നിരവധി പ്രമുഖരാണ് മന്ത്രിയുടെ പ്രവര്ത്തിയെ പ്രശംസിച്ച് രംഗത്തുവന്നത്.
