കണ്ണൂര്: മാരാര്ജി സ്മൃതി മണ്ഡപത്തോട് സാമൂഹ്യ ദ്രോഹികളുടെ അവഹേളനം. പയ്യാമ്പലത്തുള്ള മാരാര്ജി സ്മൃതി മണ്ഡപത്തിനോട് ചേര്ന്ന് കിടക്കുന്ന സ്ഥലത്ത് മൃഗങ്ങളുടെ മൃതശരീരങ്ങള് കൂട്ടിയിട്ട് കത്തിച്ചാണ് സ്മൃതി മണ്ഡപത്തോട് അവഹേളനം നടത്തിയത്. സ്മൃതിമണ്ഡപത്തെ നശിപ്പിക്കാന് ബോധപൂര്വം നടത്തിയ ശ്രമമാണിതെന്ന് ബിജെപി ആരോപിച്ചു. ഇന്നലെ വൈകുന്നേരത്തോടെയാണ് സംഭവം ബിജെപി നേതൃത്വത്തിന്റെ ശ്രദ്ധയില്പ്പെട്ടത്.
കുറ്റക്കാര്ക്കെതിരെ അടിയന്തര നടപടി സ്വീകരിക്കണമെന്ന് ബിജെപി കണ്ണൂര് ജില്ലാ ജനറല് സെക്രട്ടറി കെ.കെ. വിനോദ് കുമാര് ആവശ്യപ്പെട്ടു. ഇതുസംബന്ധമായി കണ്ണൂര് ടൗണ് സര്ക്കിള് ഇന്സ്പെക്ടര്ക്ക് പരാതി നല്കി. കൂടാതെ കോവിഡ് ബാധയേറ്റവരുടെ ശവസംസ്കാരം നടത്താന് വേണ്ടി വിറകിനുള്ള തടിക്കഷണങ്ങള് സ്മൃതിമണ്ഡപത്തിന്റെ ചുറ്റുപാടും കൂട്ടിയിട്ടിരിക്കുകയാണ്. ഇത് നീക്കംചെയ്യണമെന്ന് കോര്പ്പറേഷന് അധികൃതരോടും അദ്ദേഹം ആവശ്യപ്പെട്ടു.
