തിരുവനന്തപുരം: ഐഎസില് ചേര്ന്ന ശേഷം അഫ്ഗാന് ജയിലില് അടക്കപ്പെട്ട മലയാളി യുവതി നിമിഷ ഫാത്തിമയേയും കുഞ്ഞിനേയും രക്ഷിക്കണമെന്ന് വീണ്ടും ആവശ്യപ്പെട്ട് അമ്മ ബിന്ദു സമ്പത്ത്. തന്റെ കൊച്ചുമകള്ക്ക് ഇന്ന് അഞ്ചു വയസ് തികയുകയാണെന്നും അവളേയും താബിലാന്കാര് കൊണ്ടുപോകമെന്നും രക്ഷിക്കണമെന്നും ആവശ്യപ്പെട്ട് എന്ഡിടിവി ചര്ച്ചയില് ബിന്ദു പൊട്ടിക്കരഞ്ഞു. അവരെ മോചിപ്പിച്ച വാര്ത്തകള് കേട്ടപ്പോള് ഞാന് വളരെ സന്തോഷിച്ചിരുന്നു. എന്നാല് വൈകുന്നേരത്തോടെ അവരെ വിട്ടയച്ചില്ലെന്നും താലിബാന് ഭീകരര്ക്ക് കൈമാറിയെന്ന സങ്കടകരമായ വാര്ത്ത ഞാന് കേട്ടു. അവള് രാജ്യത്തോട് എന്തെങ്കിലും തെറ്റ് ചെയ്തിട്ടുണ്ടെങ്കില്, അവള് ഇന്ത്യന് നിയമത്തിലൂടെ വിചാരണ നേരിടട്ടെ. അതാണ് ഞാന് നാല് വര്ഷത്തിലേറെയായി പറയുന്നത്. അവളെ അഫ്ഗാനിസ്ഥാനില് നിന്ന് നാടുകടത്തുകയാണെങ്കില്, എനിക്ക് എന്റെ ചെറുമകളെ പരിപാലിക്കാം. അല്ലെങ്കില് ചെറുമകളേയും ഭീകരര് കൊണ്ടു പോകും.
എന്റെ മകളെ അവളോടൊപ്പം ഉണ്ടായിരുന്ന തീവ്രവാദികളും ഒരു ഡോക്ടറും ബ്രെയിന് വാഷ് ചെയ്തതാണ്. 2017 ല് കേരളത്തില് നിന്ന് 21 പേരെ കാണാതായിരുന്നു. അതിലാണ് നിമിഷയും ഉള്പ്പെട്ടത്. സൂത്രധാരന് അബ്ദുല് റഷീദും മറ്റ് നാല് പേരുമായിരുന്നെന്നും ബിന്ദു.
