ന്യൂദല്ഹി: രാജ്യത്തൊട്ടാകെ 57.88 കോടിയിലധികം വാക്സിന് ഡോസുകള് കേന്ദ്ര സര്ക്കാര് വിതരണം ചെയ്തു. സര്ക്കാര് സൗജന്യമായി ലഭ്യമാക്കിയതും സംസ്ഥാനങ്ങള് നേരിട്ട് സംഭരിച്ചതുമുള്പ്പടെ ഇതുവരെ 57,88,90,150 വാക്സിന് ഡോസുകള് സംസ്ഥാനങ്ങള്ക്കും കേന്ദ്രഭരണ പ്രദേശങ്ങള്ക്കും കൈമാറിയിട്ടുള്ളത്. 18,62,530 ഡോസുകള് ഉടന് ലഭ്യമാക്കും.
ഇന്ന് രാവിലെ എട്ട് മണി വരെയുള്ള കണക്കുകള് പ്രകാരം പാഴായതുള്പ്പെടെ 55,11,64,635 ഡോസാണ് മൊത്തം ഉപഭോഗമായി കണക്കാക്കുന്നത്. 94 ലക്ഷത്തിലധികം (94,03,637) കോവിഡ് വാക്സിന് ഡോസുകള് സംസ്ഥാനങ്ങളുടെയും കേന്ദ്രഭരണ പ്രദേശങ്ങളുടെയും സ്വകാര്യ ആശുപത്രികളുടെയും പക്കല് ഇപ്പോഴും ലഭ്യമാണെന്നും സര്ക്കാര് വ്യക്തമാക്കി.
എല്ലാവര്ക്കും കോവിഡ്19 പ്രതിരോധ കുത്തിവയ്പു നല്കുന്ന പുതിയ ഘട്ടത്തിന് രാജ്യത്ത് 2021 ജൂണ് 21നാണ് തുടക്കമായത്. കോവിഡ്19 പ്രതിരോധ കുത്തിവയ്പ് പരിപാടിയുടെ പുതിയ ഘട്ടത്തില് വാക്സിനുകളുടെ 75% കേന്ദ്ര ഗവണ്മെന്റ് സംഭരിക്കും. ഇങ്ങനെ സംഭരിക്കുന്ന വാക്സിനുകള് സംസ്ഥാനങ്ങള്ക്കും കേന്ദ്രഭരണ പ്രദേശങ്ങള്ക്കും സൗജന്യമായി നല്കും.
