ലണ്ടന്: ഡച്ച് പ്രതിരോധതാരം വിര്ജില് വാന് ഡിക്ക് 2025 വരെ ലിവര്പൂളില് തുടരും. പ്രീമിയര് ലീഗ് മത്സരങ്ങള് ആരംഭിക്കുന്നതിന്റെ തലേന്ന്് വിര്ജിലുമായി പുതിയ കരാര് ഉണ്ടാക്കിയതായി ലിവര്പൂള് ക്ലബ്ബ് അറിയിച്ചു.
വിര്ജില് വാന് ഡിക്കുമായി പുതിയ കരാര് ഒപ്പുവച്ചെന്ന്് ലിവര്പൂള് ഫുട്ബോള് ക്ലബ്ബ് പ്രസ്താവനയിലൂടെ വെളിപ്പെടുത്തി. ലിവര്പൂളുമായി കരാര് പുതുക്കുന്ന നാലാമത്തെ സീനിയര് താരമാണ് മുപ്പതുകാരനായ വിര്ജില്. ഇംഗ്ലണ്ട് പ്രതിരോധ താരം ട്രെന്ഡ് അലക്സാണ്ടര്- അര്നോള്ഡ്്, ബ്രസീല് താരങ്ങളായ ഫാബിനോ, അലിസണ് ബക്കര് എന്നിവര് നേരത്തെ തന്നെ ലിവര്പൂളുമായുള്ള കരാര് പുതുക്കിയിരുന്നു. സതാംപ്റ്റണില് നിന്ന്് 2018 ലാണ് വിര്ജില് വാന് ഡിക്ക്് ലിവര്പൂളിലെത്തിയത്്.
