മധുര: ഭാരതമാതാവിനെ അപമാനിച്ച ക്രിസ്ത്യന്‍ പുരോഹിതന്‍ തമിഴ്‌നാട്ടില്‍ അറസ്റ്റില്‍. ബിജെപിയുടെയും ഹിന്ദു സംഘടനകളുടെയും പരാതിയില്‍ കന്യാകുമാരി സ്വദേശി ജോര്‍ജ് പൊന്നയ്യ ആണ് അറസ്റ്റിലായത്. കൊവിഡ് വ്യാപനവുമായി ബന്ധപ്പെട്ട് നടത്തിയ പ്രസ്താവനയാണ് വൈദികനെതിരെ പരാതിക്ക് കാരണമായത്. ഭാരതമാതാവില്‍ നിന്നും രോഗം പടരാതിരിക്കാന്‍ ചെരിപ്പും ഷൂസും ധരിക്കണമെന്ന പരാമര്‍ശമാണ് വിവാദമായത്. പ്രസംഗത്തിന്റെ വിവാദ ഭാഗങ്ങള്‍ സമൂഹമാധ്യമങ്ങള്‍ വ്യാപകമായി പ്രചരിച്ചിരുന്നു.
കഴിഞ്ഞ ഞായറാഴ്ച കന്യാകുമാരി അരമനയില്‍ നടന്ന യോഗത്തില്‍ വൈദികന്‍ നടത്തിയ പ്രസംഗത്തിന്റെ ഭാഗങ്ങള്‍ പുറത്തുവന്നിരുന്നു. പ്രസംഗത്തിന്റെ ചില ഭാഗങ്ങള്‍ സമൂഹമാധ്യമങ്ങളില്‍ ചര്‍ച്ചയാതോടെ ബിജെപി നേതാക്കളും ചില ഹിന്ദു സംഘടനകളും പോലീസില്‍ പരാതി നല്‍കുകയായിരുന്നു.
വൈദികനെതിരെ കന്യാകുമാരിയില്‍ മാത്രം മുപ്പതോളം പരാതികളാണ് ലഭിച്ചതോടെയാണ് പോലീസ് കേസെടുത്ത് അന്വേഷണം ആരംഭിച്ചത്. തമിഴ്‌നാട്ടിലെ മധുരയില്‍ വെച്ചാണ് അറസ്റ്റ് ഉണ്ടായത്. മതസ്പര്‍ധ, സമൂഹത്തില്‍ ഭിന്നിപ്പുണ്ടാക്കല്‍ എന്നീ കുറ്റങ്ങളാണ് പ്രധാനമായും ചുമത്തിയിരിക്കുന്നത്. കൊവിഡ് നിയന്ത്രണങ്ങള്‍ അവഗണിച്ച് യോഗം നടത്തിയെന്ന കേസും ചുമത്തിയിട്ടുണ്ട്.
പ്രതികരിക്കാൻ ഇവിടെ എഴുതുക: