മണ്‍ട്രോത്തുരുത്ത്: കൊവിഡ് ബാധിതനായി അന്തരിച്ച ബിജെപി മുന്‍ ജില്ലാ ഉപാദ്ധ്യക്ഷന്‍ നെന്മേനി തോട്ടുകരയില്‍ കെ. മംഗലന്റെ വീട്ടില്‍ ബിജെപി പ്രസിഡന്റ് കെ. സുരേന്ദ്രനെത്തി. കുടുംബാംഗങ്ങളെ അനുശോചനം അറിയിച്ചു. സംഘടനാ പ്രവര്‍ത്തനത്തില്‍ വ്യാപൃതനായിരുന്ന മംഗലന്‍ മരണപ്പെട്ടതോടെ കുടുംബത്തിന്റെ ബുദ്ധിമുട്ടുകള്‍, മക്കളുടെ വിദ്യാഭ്യാസം, സ്വന്തമായി ഒരു വീട് എന്നുള്ള സ്വപ്‌നം എന്നിവ പ്രാവര്‍ത്തികമാക്കാന്‍ എല്ലാ സഹായങ്ങളും അദ്ദേഹം വാഗ്ദാനം ചെയ്തു.
തുടര്‍ന്ന് മണ്‍ട്രോത്തുരുത്ത് വില്യമംഗലം വെസ്റ്റ് വാര്‍ഡിലെ തുണ്ടികട വീട്ടില്‍ പോലീസ് ഉദ്യോഗസ്ഥനായ ജയപാലന്‍-സുരേഖ ദമ്പതികളുടെ മകന്‍ മഹേശ്വറിനെ അഭിനന്ദിച്ചു. പത്തു വയസുള്ള മഹേശ്വര്‍ നീന്തലില്‍ ഗിന്നസ് റിക്കാര്‍ഡ് നേടിയിരുന്നു. പാര്‍ട്ടി ജില്ലാ പ്രസിഡന്റ് ബി.ബി. ഗോപകുമാര്‍, കുന്നത്തൂര്‍ മണ്ഡലം പ്രസിഡന്റ് ബൈജു ചെറുപൊയ്ക, സുഷമ, സന്തോഷ് ചിറ്റേടം, സുരേഷ് ആറ്റുപുറത്ത്, സുദര്‍ശന്‍, സൂരജ് സുവര്‍ണ്ണന്‍, പ്രസന്നകുമാരി തുടങ്ങിയവര്‍ ഒപ്പമുണ്ടായിരുന്നു.
പ്രതികരിക്കാൻ ഇവിടെ എഴുതുക: