നവഗതരായ അര്ജ്ജുന്ലാല്, അജിത് കുമാര് രവീന്ദ്രന് എന്നിവര് കഥയെഴുതി സംവിധാനം ചെയ്യുന്ന ‘രണ്ട് രഹസ്യങ്ങള്’ അണിയറയില്. ത്രില്ലര് സ്വഭാവമുള്ള ചിത്രം നിര്മ്മിക്കുന്നത് വണ്ലൈന് മീഡിയ, എരിവും പുളിയും പ്രൊഡക്ഷന്സ്, വാമ എന്റര്ടെയിന്മെന്റ് എന്നിവയുടെ ബാനറില് വിജയകുമാര് പ്രഭാകരന്, അജിത്കുമാര് രവീന്ദ്രന്, സാക്കിര് അലി എന്നിവര് ചേര്ന്നാണ്.
മലയാളത്തില് ആദ്യമായി ഒരു സ്പാനിഷ് താരം കേന്ദ്ര കഥാപാത്രമാകുന്ന ചിത്രംകൂടിയാണ് രണ്ട് രഹസ്യങ്ങള്. ചിത്രത്തിന്റെ പോസ്റ്റര് പുറത്തുവിട്ട് കഴിഞ്ഞു. ചലച്ചിത്ര താരങ്ങളായ ജയസൂര്യ, മഞ്ജു വാര്യര്, ഇന്ദ്രജിത്, സിദ്ദിഖ്, ആഷിഖ് അബു, അപ്പാനി ശരത്, ആര്ജെ ഷാന്, പാരിസ് ലക്ഷ്മി എന്നിവരുടെ പേജുകളിലൂടെയാണ് പോസ്റ്റര് പുറത്തിറക്കിയത്. ചിത്രത്തിന്റെ സംവിധായകര് തന്നെയാണ് തിരക്കഥയും, സംഭാഷണവും തയ്യാറാക്കിയിരിക്കുന്നത്.
ശേഖര് മേനോന്, വിജയകുമാര് പ്രഭാകരന്, ബാബു തളിപ്പറമ്പ്, സ്പാനിഷ് താരം ആന്ഡ്രിയ റവേര, പാരീസ് ലക്ഷ്മി, ദിവ്യ ഗോപിനാഥ് എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. ക്യാമറ- ജോമോന് തോമസ്, അബ്ദുള് റഹീം എന്നിവര്. പ്രത്യുഷ് പ്രകാശ്, അഭിജിത്ത് കെ.പി, നമ്രത പ്രശാന്ത്, സുമേഷ് ബിഡബ്ല്യൂടി എന്നിവര് ചേര്ന്നാണ് എഡിറ്റിങ്. റഫീക്ക് അഹമ്മദിന്റെ വരികള്ക്ക് സംഗീതം നല്കുന്നത് വിശ്വജിത്ത് ആണ്. കലാ സംവിധാനം- ലാലു തൃക്കളം, കെ.ആര് ഹരിലാല്. ചിത്രം ആഗസ്റ്റ് മാസത്തോടെ ഹൈ ഹോപ്സ് ഫിലിം ഫാക്ടറി തീയേറ്ററുകളില് പ്രദര്ശനത്തിനെത്തിക്കും.
