ജീവിതത്തില്‍ എല്ലാവര്‍ക്കും ആവശ്യമാണ് സമാധാനം. പക്ഷേ പ്രക്ഷുബ്ധമായ മനസ്സ് അത് അനുവദിക്കുന്നില്ല. സമാധാനം നഷ്ടമായാല്‍ നിങ്ങള്‍ സ്വാഭാവികമായും ഭാര്യയോടോ ഭര്‍ത്താവിനോടോ ആകാം വഴക്കിടുന്നത്.
ഇത് കൂടിക്കൂടി വരുന്നതോടെ അയല്‍ക്കാരോട് മോശമായി പെരുമാറും. അത് പിന്നെയും അതിരു വിടുമ്പോള്‍ മേലധികാരിയോടാവും നിങ്ങള്‍ ആക്രോശിക്കുക. മേലധികാരിയോട് അനിയന്ത്രിതമായി ശബ്ദമുയര്‍ത്തുന്നതോടെ നിങ്ങള്‍ക്ക് വൈദ്യസഹായം ആവശ്യമാണെന്ന് കേള്‍ക്കുന്നവര്‍ക്കെല്ലാം മനസ്സിലാകും. ഭര്‍ത്താവിനോടോ ഭാര്യയോടോ അയല്‍പക്കക്കാരോടോ വഴക്കിടുന്നത് സ്വാഭാവികമാണ്. എല്ലാവര്‍ക്കും സംഭവിക്കാവുന്നതാണ് അത്. എന്നാല്‍ മേലധികാരിയോടുള്ള മോശമായ പെരുമാറ്റം അതില്‍ നിന്ന് ഏറെ വ്യത്യസ്തമാണ്. ഡോക്ടറുടെ സേവനം നിങ്ങള്‍ക്ക് അനിവാര്യമാണ്. അദ്ദേഹം നല്‍കുന്ന മരുന്ന് ശരീരത്തിലേക്കെത്തുമ്പോള്‍ അല്പസമയത്തേക്കെങ്കിലും സമാധാനം ലഭിക്കുന്നു. അതായത് ഒരു രാസപദാര്‍ത്ഥം നിങ്ങളിലേക്കെത്തുമ്പോള്‍ ശരീരത്തിന്റെയും മനസ്സിന്റെയും അസ്വസ്ഥത മാറി സമാധാനം ലഭിക്കുന്നു.
മറ്റൊരു തരത്തില്‍ പറഞ്ഞാല്‍ സമാധാനമെന്നത് ശരീരത്തിനുള്ളിലെ രസതന്ത്രമാണ്. എല്ലാ വികാരങ്ങളും പ്രത്യേകതരത്തിലുള്ള രസതന്ത്രങ്ങളാണ്. ഏതുതരത്തിലുള്ള വികാരമായാലും അതിനനുസൃതമായ ഒരു രാസപ്രവര്‍ത്തനം ശരീരത്തില്‍ സംഭവിക്കുകയും ക്രമീകരിക്കപ്പെടുകയും ചെയ്യുന്നു. മനസ്സ് സമാധാനത്തിലാണെങ്കില്‍, സമാധാനത്തിന്റേതായ രസതന്ത്രമാണ് നമ്മില്‍ സംഭവിക്കുന്നത്. അഥവാ, അത്തരമൊരു രസതന്ത്രം നമ്മിലുണ്ടായാല്‍ സ്വാഭാവികമായും നമുക്ക് സമാധാനം ലഭിക്കുന്നു.
രണ്ട് വഴിയിലൂടെയും യോഗ ഇതിനെ സമീപിക്കുന്നു. ശരിയായ അഭ്യാസത്തിലൂടെ നമ്മുടെ ആന്തരിക രാസപ്രക്രിയയില്‍ ഒരുഅളവ് വരെ വ്യത്യാസം വരുത്താന്‍ നമുക്ക് സാധിക്കും. അപ്പോള്‍ വൈകാരികമായ ഏത് അവസ്ഥയിലും നമ്മള്‍ സമാധാനത്തിലായിരിക്കും. ബാഹ്യമായ അവസ്ഥകളുടെ അടിമയാണ് സമാധാനമെന്ന് പൊതുവേ പറയാം. അനുകൂല സാഹചര്യമാണെണെങ്കില്‍ നിങ്ങളെപ്പോഴും സമാധാനത്തില്‍തന്നെയായിരിക്കും.പക്ഷെ അവസ്ഥശരിയല്ലെങ്കില്‍,അവിടെയാണ് പ്രശ്‌നം.
മനസ്സ് ബാഹ്യമായ കാര്യങ്ങളില്‍ നിന്ന് നിന്ന് സ്വതന്ത്രമാവുകയും പുറത്തെ സംഭവങ്ങള്‍ ആന്തരികമായി നിങ്ങളെ ബാധിക്കാതെ ഇരിക്കുകയും ചെയ്യുന്ന സമാധാന അവസ്ഥയാണ് യോഗ. മറ്റൊരുതരത്തില്‍ പറഞ്ഞാല്‍ ശരിയായ വിധത്തിലുള്ളരസതന്ത്രത്തെസൃഷ്ടിച്ചെടുക്കുന്ന ശാസ്ത്രമാണ് യോഗ.
നിങ്ങളില്‍ ശരിയായ വിധത്തിലുള്ള രസതന്ത്രമാണെങ്കില്‍ നിങ്ങളുടേത് സമാധാനവും സന്തോഷവും നിറഞ്ഞ ജീവിതമാകും. അതല്ലാതെ മറ്റൊരു മാര്‍ഗവുമില്ല.സമാധാനവും, സന്തോഷവും ജീവിതത്തിന്റെ അവസാനമല്ല ,മറിച്ച് തുടക്കമാണ്. സമാധാനമില്ലാതെ മാനസികമായ അസംബന്ധത്തിങ്ങളില്‍ പെട്ട് കിടക്കുകയാണെങ്കില്‍ നിങ്ങള്‍ ഇതേവരെ ജീവിതം ആരംഭിച്ചിട്ടേയില്ല. സമാധാനവും സന്തോഷവുമാകേണ്ടത് ജീവിതത്തിന്റെ അടിസ്ഥാന ആവശ്യമാണ്. കഴിക്കുന്ന ഭക്ഷണം ആസ്വദിക്കണമെങ്കില്‍ പോലും നിങ്ങള്‍ക്ക് സമാധാനം അത്യാവശ്യമാണ്. മനസ്സ് പ്രക്ഷുബ്ധമാണെങ്കില്‍ ഭക്ഷണം ആസ്വദിക്കനാവുമോ? ഇല്ല. സമാധാനമായിരിക്കുക എന്നതാണ് പ്രധാനം. മനസ്സമാധാനം അനുഭവിക്കുക എന്നത് ജീവിതാനുഭവങ്ങളുടെ പാരമ്യതയാണെന്നാണ് ജനങ്ങള്‍ വിശ്വസിക്കുന്നത്. ജീവിതാരംഭത്തിലേ അനിവാര്യമായതാണ് സമാധാനം. നിര്‍ഭാഗ്യവശാല്‍, ലോകജനതയില്‍ ഭൂരിഭാഗത്തിനും ഇത് യാഥാര്‍ഥ്യമാക്കാനാവാത്തതിനാല്‍ ജീവിതത്തിന്റെ പാരമ്യതയാണ് സമാമാനമെന്ന് പ്രചരിപ്പിക്കുന്നു. ആത്മീയവാദികള്‍ പോലുംസമാധാനമാണ് പരമമായത് എന്ന് പറയുന്നത് തീര്‍ത്തും ദൗര്‍ഭാഗ്യകരമാണ്. സമാധാനമായിരിക്കുക എന്നത് അടിസ്ഥാനവസ്തുതയാണ്. ഇത് ഈശ്വരസാക്ഷാത്കാരമോ ദൈവികമോ അല്ല. ജീവിതത്തിന്റെ മ ആണ്. ജീവിതത്തിന്റെ ‘Z’. അല്ല.
ജന്മഭൂമി ഓണ്‍ലൈന്‍