തിരുവനന്തപുരം: ലോക പരിസ്ഥിതി ദിനത്തില്‍ ബാലഗോകുലത്തിന്റെ ”അങ്കണത്തുളസി” പദ്ധതിക്ക് തുടക്കം കുറിച്ചു.. വീടുകളില്‍ തുളസിത്തറ നിര്‍മ്മിച്ച് കുട്ടികള്‍ തുളസി നട്ടു.
വീടുകളില്‍ തുളസിച്ചെടികള്‍ ധാരാളമായി വച്ചുപിടിപ്പിക്കുക, തുളസിയുടെ ഔഷധഗുണവും മാഹാത്മ്യവും തിരിച്ചറിയുകയും പ്രചരിപ്പിക്കുകയും ചെയ്യുക, തുളസീവന്ദനം നിത്യജീവിതത്തിന്റെ ഭാഗമാക്കുക,മുറ്റത്തെ തുളസി കൊണ്ടുതന്നെ മാലകെട്ടി ശ്രീകൃഷ്ണജയന്തി ദിനത്തില്‍ കണ്ണനു ചാര്‍ത്തുക. എന്നിവയാണ് ബാലഗോകുലം ലക്ഷ്യമിടുന്നത്.
2000 കേന്ദ്രങ്ങളിലായി രണ്ടു ലക്ഷം വീടുകളില്‍ തുളസിത്തറ ഒരുക്കിയതായി സംസ്ഥാന പൊതുകാര്യദര്‍ശി കെ എന്‍ സജികുമാര്‍ അറിയിച്ചു.
പരിപാടിയുടെ സംസ്ഥാന തല ഉദ്ഘാടനം കോട്ടയത്ത് സംസ്ഥാന ഉപാധ്യക്ഷന്‍ ഡോ.എന്‍ ഉണ്ണികൃഷ്ണന്‍ നിര്‍വഹിച്ചു.
സംസ്ഥാന അധ്യക്ഷന്‍ ആര്‍ പ്രസന്നകുമാര്‍ കടമ്മനിട്ടയിലും സംഘടനാ കാര്യദര്‍ശി എ. രജ്ഞുകുമാര്‍ ആലുവയിലും പരിപാടികളില്‍ പങ്കെടുത്തു.
