ന്യൂദല്ഹി: കൊവിഡ് വാക്സിനേഷന് പ്രക്രിയ ഡിസംബറോടെ പൂര്ത്തീകരിക്കുമെന്ന് കേന്ദ്രവാര്ത്താ വിതരണ വകുപ്പ് മന്ത്രി പ്രകാശ് ജാവദേക്കര്. ഇന്നലെ പ്രധാനമന്ത്രിക്കെതിരെ മോശം പദപ്രയോഗം നടത്തിയ രാഹുല്ഗാന്ധിയുടെ നടപടിയെ അപലപിച്ച ജാവദേക്കര്, രാജ്യത്തെ അപമാനിക്കാന് ആഹ്വാനം ചെയ്ത് ടൂള് കിറ്റ് തയാറാക്കിയത് കോണ്ഗ്രസാണെന്ന് രാഹുലിന്റെ മോശം ഭാഷയോടെ വ്യക്തമായെന്നും പറഞ്ഞു. രാഹുലിന്റെ വാക്കുകളും ടൂള്കിറ്റിലെ ഭാഷയും സമാനമാണ്. ടൂള്കിറ്റിന് പിന്നില് രാഹുല്ഗാന്ധി തന്നെയെന്ന് ഉറപ്പായിക്കഴിഞ്ഞു. രാജ്യത്തെ അപമാനിക്കുക എന്ന ഏക ലക്ഷ്യത്തിലേക്ക് കോണ്ഗ്രസ് മാറിക്കഴിഞ്ഞു, ജാവദേക്കര് കുറ്റപ്പെടുത്തി.
ഇതുവരെ രാജ്യത്ത് വെറും മൂന്നുശതമാനം പേര്ക്ക് മാത്രമാണ് വാക്സിന് ലഭിച്ചതെന്ന രാഹുലിന്റെ കള്ളപ്രചാരണത്തിന് മറുപടി നല്കിക്കൊണ്ടാണ് പ്രകാശ് ജാവദേക്കര് രംഗത്തെത്തിയത്. രാജ്യത്തെ വാക്സിന് വിതരണം പൂര്ത്തിയാവാന് മൂന്നുവര്ഷം എടുക്കുമെന്നും രാഹുല് ആരോപിച്ചിരുന്നു. എന്നാല് ഡിസംബറിന് മുമ്പ് വാക്സിന് എല്ലാവര്ക്കും കിട്ടുമെന്നാണ് ജാവദേക്കര് അറിയിച്ചത്. നിലവില് 23 കോടിയോളം പേര്ക്ക് വാക്സിന് ലഭിച്ചു കഴിഞ്ഞു. ആഗസ്ത്-ഡിസംബര് മാസം ആകുമ്പോഴേക്കും 216 കോടി വാക്സിന് ഡോസുകള് രാജ്യത്ത് ലഭ്യമാകുമെന്ന് കേന്ദ്രസര്ക്കാര് കഴിഞ്ഞയാഴ്ച അറിയിച്ചിരുന്നതാണ്. ബാക്കിയുള്ള 108 കോടി ജനങ്ങള്ക്ക് എങ്ങനെ വാക്സിന് കിട്ടുമെന്ന് ആരോഗ്യ മന്ത്രാലയം അറിയിച്ചിരുന്നതുമാണ്. എന്നിട്ടും ഇന്ത്യയിലെ കൊവിഡ് പ്രതിരോധ പ്രവര്ത്തനങ്ങള് അട്ടിമറിക്കാന് ലക്ഷ്യമിട്ടുള്ള ആരോപണങ്ങളാണ് രാഹുല് നിരന്തരം ഉന്നയിക്കുന്നത്.
വാക്സിനേഷന് സംബന്ധിച്ച് രാഹുലിന് ആശങ്കയുണ്ടെങ്കില് കോണ്ഗ്രസ് ഭരിക്കുന്ന സംസ്ഥാനങ്ങളിലെ വാക്സിന് വിതരണം രാഹുല് ശ്രദ്ധിക്കട്ടെയെന്ന് ജാവദേക്കര് പറഞ്ഞു. ആ സംസ്ഥാനങ്ങളിലെല്ലാം വാക്സിനേഷന് പ്രക്രിയ താറുമാറാണ്. മെയ് 1 മുതല് 18-44 പ്രായപരിധിക്കാര്ക്ക് വിതരണം ചെയ്യാനുള്ള വാക്സിന് കോണ്ഗ്രസ് ഭരണ സംസ്ഥാനങ്ങള് സ്വീകരിച്ചിട്ടു പോലുമില്ലെന്നും ജാവദേക്കര് കുറ്റപ്പെടുത്തി.
