അമ്പലപ്പുഴ: ആലപ്പുഴ കുടിവെള്ള പദ്ധതിയുടെ പൈപ്പ് ലൈന് പൊട്ടി. പമ്പിങ് നിര്ത്തിവെച്ചു. അമ്പലപ്പുഴ തിരുവല്ല സംസ്ഥാന പാതയില് തകഴി ജങ്ഷന് പടിഞ്ഞാറ് ഭാഗത്തായാണ് കഴിഞ്ഞ രാത്രിയില് പൈപ്പ് ലൈന് പൊട്ടിയത്. റോഡിന് കുറുകെ സ്ഥാപിച്ച പൈപ്പ് ലൈന് പൊട്ടിയതിനെ തുടര്ന്ന് ഈ ഭാഗത്ത് വെള്ളക്കെട്ടായി മാറിയിരിക്കുകയാണ്.
ഒരാഴ്ച മുന്പ് തകരാറ് പരിഹരിച്ച ഭാഗത്തിന് തൊട്ടടുത്തായാണ് വീണ്ടും പൈപ്പ് പൊട്ടിയത്. പൈപ്പ് പൊട്ടിയതിനെത്തുടര്ന്ന് റോഡും തകര്ന്നിരിക്കുകയാണ്. അടിയന്തരമായി തകരാറ് പരിഹരിച്ചില്ലെങ്കില് വീണ്ടും കുടിവെളളം മുട്ടുന്ന സ്ഥിതിയാകും. ഈ ഭാഗം കൂടാതെ തകഴി ആശുപത്രി ജംഗ്ഷന് സമീപം രണ്ടിടങ്ങളിലും പൈപ്പ് ലൈന് പൊട്ടി കുടിവെള്ളം പാഴാകുകയാണ്. ഇനി പൊതുമരാമത്ത് വകുപ്പിന്റെ അനുമതി ലഭിച്ചാല് മാത്രമേ റോഡ് പൊളിച്ച് അറ്റകുറ്റപ്പണി നടത്താന് കഴിയൂ.
അടിയന്തിരമായി തകരാറ് പരിഹരിച്ചില്ലെങ്കില് റോഡ് വീണ്ടും തകരുമെന്ന ആശങ്കയും ഉയര്ന്നിട്ടുണ്ട്.
