തിരുവനന്തപുരം: സോഷ്യല്‍മീഡിയയില്‍ വൈറലായി ഒരു വിവാഹപരസ്യം. പ്രമുഖ ദിനപത്രത്തിലെ മാട്രിമോണിയല്‍ പേജിലാണ് പരസ്യം. ഏഷ്യാനെറ്റ് ന്യൂസ് ജീവനക്കാരെ താത്പര്യമില്ല എന്ന പരസ്യത്തിലെ നിബന്ധനയാണ് സാമൂഹിക മാദ്ധ്യമങ്ങളില്‍ പരസ്യത്തെ വൈറലാക്കിയത്. ഇതു കൗതുകത്തിനായി സമൂഹമാധ്യമങ്ങളില്‍ ആരെങ്കിലും പ്രചരിപ്പിച്ചതാകാം എന്ന ചര്‍ച്ചയും സോഷ്യല്‍മീഡിയയില്‍ സജീവമാണ്.
165 സെന്റി മീറ്റര്‍ ഉയരമുള്ള 26 വയസ്സുകാരിയായ തിരുവാതിര നക്ഷത്രക്കാരിയായ കോഴിക്കോട് സ്വദേശിനിക്ക് വിവാഹാലോചനകള്‍ ക്ഷണിക്കുന്നു. എം ടെക്ക് ബിരുദക്കാരിയായ യുവതിക്ക് അനുയോജ്യമായ വിദ്യാഭ്യാസമുള്ള രക്ഷിതാക്കളില്‍ നിന്നും ആലോചനകള്‍ ക്ഷണിക്കുന്നു. ഏഷ്യാനെറ്റ് ന്യൂസ് ജീവനക്കാരെ താത്പര്യമില്ല എന്ന് പ്രത്യേകം എടുത്ത് പറഞ്ഞിരിക്കുന്ന പരസ്യത്തില്‍ ഫോണ്‍ നമ്പറും നല്‍കിയിട്ടുണ്ട്.
ബംഗാള്‍ കലാപവുമായി ബന്ധപ്പെട്ട വിഷയത്തില്‍ ഏഷ്യാനെറ്റ് ന്യൂസ് തിരുവനന്തപുരം സീനിയര്‍ റിപ്പോര്‍ട്ടര്‍ പി.ആര്‍.പ്രവീണ ഫോണില്‍ വിളിച്ച് ഒരു പ്രേക്ഷകയോട് രാജ്യവിരുദ്ധമായും മോശമായും പെരുമാറിയതില്‍ സാമൂഹിക മാധ്യമങ്ങളില്‍ പ്രതിഷേധം ശക്തമാകുന്നതിനിടെയാണ് ഇതു ബന്ധപ്പെടുത്തിയുള്ള ഒരു വിവാഹ പരസ്യവും വൈറലാകുന്നത്.
പ്രതികരിക്കാൻ ഇവിടെ എഴുതുക: