കൊച്ചി : സംസ്ഥാനത്ത് ലോക്ഡൗണ്‍ പ്രഖ്യാപിച്ചതിനെ തുടര്‍ന്ന് വിതരണം ചെയ്യുന്ന കിറ്റില്‍ ഒരു മുഴം കയര്‍ കൂടി വെയ്‌ക്കണമെന്ന് കമന്റിട്ട കോണ്‍ഗ്രസ് പ്രവര്‍ത്തകന് കയര്‍ നല്‍കി ഡിവൈഎഫ്‌ഐ നേതാക്കള്‍. മുഖ്യമന്ത്രി പിണറായി വിജയന്റെ എഫ്ബി പോസ്റ്റില്‍ മുളന്തുരുത്തി ബ്ലോക്ക് പഞ്ചായത്ത് പ്രസിഡന്റ് രാജു പി. നായര്‍ പോസ്റ്റിട്ടിരുന്നു.
പിന്നാലെ ഡിവൈഎഫ്‌ഐ ഉദയംപേരൂര്‍ നോര്‍ത്ത് മേഖല കമ്മിറ്റി നേതാക്കള്‍ ഒരു മുഴം കയറുമായി രാജുവിന്റെ വീട്ടില്‍ എത്തുകയായിരുന്നു. അടുത്ത കിറ്റില്‍ ഒരുമുഴം കയര്‍ കൂടി കൊടുക്കാന്‍ അപേക്ഷ. അടച്ചിടുന്നതിന് എതിരല്ല. പക്ഷെ ജനങ്ങളുടെ കയ്യില്‍ പണം കൂടെ കൊടുത്ത് വേണം അടച്ചിടാന്‍ എന്നായിരുന്നു ലോക്ഡൗണ്‍ ഏര്‍പ്പെടുത്തുന്നത് സംബന്ധിച്ച മുഖ്യമന്ത്രിയുടെ എഫ്ബി പോസ്റ്റിന് രാജു കമന്റ് ഇട്ടത്.
പ്രതികരിക്കാൻ ഇവിടെ എഴുതുക: