തിരുവനന്തപുരം: നിയമസഭയിലേക്ക് പ്രവേശനം തേടിയ മുന്‍ പാര്‍ലമെന്റെ് അംഗങ്ങളില്‍ പകുതിയിലധികം തോറ്റു.
നാല് സിറ്റിംഗ് എംപിമാരും 13 മുന്‍ എംപിമാരും ഉള്‍പ്പെടെ പാര്‍ലമെന്റെ കണ്ട 17 പേര്‍ മത്സരിച്ചവരില്‍ 10 പേരും തോറ്റു. ഏഴു പേര്‍ മാത്രമാണ് ജയിച്ചു. നിലവിലെ സഭയില്‍ 8 മുന്‍ എം പിമാരാണ് ഉണ്ടായിരുന്നത്
സിറ്റിംഗ് എംപിമാരായ കെ മുരളീധരന്‍,(നേമം), അല്‍ഫോന്‍സ് കണ്ണന്താനം(കാഞ്ഞിരപ്പള്ളി), സുരേഷ് ഗോപി( തൃശ്ശൂര്‍), എം വി ശ്രേയംസ്‌കുമാര്‍( കല്‍പ്പറ്റ) നാലു പേരും തോല്‍വി രുചിച്ചു.
കടന്നപ്പള്ളി രാമചന്ദ്രന്‍( കണ്ണൂര്‍), പി ടി തോമസ്(തൃക്കാക്കര), രമേശ് ചെന്നിത്തല (ഹരിപ്പാട്), കെ എന്‍ ബാലഗോപാല്‍( കൊട്ടാരക്കര), പി രാജീവ് ( കളമശ്ശേരി),എം ബി രാജേഷ് (തൃത്താല), പി കെ കുഞ്ഞാലിക്കുട്ടി ( വേങ്ങര) എന്നിവരാണ് ജയിച്ച മുന്‍ എംപിമാര്‍
വി എസ് ശിവകുമാര്‍( തിരുവനന്തപുരം) ജോസ് കെ മാണി(പാല), ഡോ കെ എസ് മനോജ് (ആലപ്പുഴ),നീല ലോഹിത ദാസന്‍ നാടാര്‍(കോവളം), ഫ്രാന്‍സിസ് ജോര്‍ജ്ജ്(ഇടുക്കി), ടി എന്‍ പീതാംബരക്കുറുപ്പ് ( ചാത്തന്നൂര്‍) എന്നീ മുന്‍ എംപി മാര്‍ തോല്‍ക്കുകയും ചെയ്തു.
