കാസര്‍കോട്: മഞ്ചേശ്വരത്ത് എന്‍ഡിഎ സ്ഥാനാര്‍ത്ഥിയും ബിജെപി സംസ്ഥാന അധ്യക്ഷനുമായ കെ.സുരേന്ദ്രന് നേരിയ മുന്‍ തൂക്കം നല്‍കി എക്സിറ്റ് പോള്‍ ഫലങ്ങള്‍. ഏഷ്യാനെറ്റ് ന്യൂസും സീ ഫോറും ചേര്‍ന്ന് നടത്തിയ പോസ്റ്റ് പോള്‍ സര്‍വേയില്‍ മണ്ഡലത്തില്‍ നടന്നത് അതിശക്തമായ പോരാട്ടമാണെന്ന് വ്യക്തമാക്കുന്നു. ബിജെപിയും മുസ്ലീം ലീഗും തമ്മില്‍ ഇഞ്ചോടിഞ്ച് പോരാട്ടം നടക്കുമ്പോള്‍ സിപിഎം സ്ഥാനാര്‍ത്ഥി മൂന്നാം സ്ഥാനത്തേക്ക് പിന്തള്ളപ്പെടുമെന്നാണ് എക്സിറ്റ് പോള്‍ ഫലം പറയുന്നത്.
മനോരമ ന്യൂസ് എക്സിറ്റ് പോള്‍ സര്‍വ്വേയില്‍ 0.60 ശതമാനത്തിന് മഞ്ചേശ്വരത്ത് എന്‍ഡിഎ സസ്ഥാനാര്‍ത്ഥി കെ.സുരേന്ദ്രന് മുന്നിലാണ്. 76.88 ശതമാനമായിരുന്നു പോളിംഗ്. 170431 പേരാണ് ആകെ വോട്ടു ചെയ്തത്. ഇതില്‍ 81220 പുരുഷ വോട്ടര്‍മാരും 89211 സ്ത്രീ വോട്ടര്‍മാരുമാണ്. 89 വോട്ടിനാണ് കഴിഞ്ഞ തവണ കെ.സുരേന്ദ്രന് മഞ്ചേശ്വരത്ത് പരാജയപ്പെട്ടത്. മുസ്ലീം ലീഗില്‍ നിന്നും എകെഎം അഷ്‌റഫും എല്‍ഡിഎഫില്‍ നിന്നും വി.വി രമേശനുമാണ് മറ്റ് സ്ഥാനാര്‍ത്ഥികള്‍.
പ്രതികരിക്കാൻ ഇവിടെ എഴുതുക: