ന്യൂദല്‍ഹി: കോവിഡ് രണ്ടാം തരംഗത്തെ നേരിടുന്ന ഇന്ത്യയിലെ സഹോദരീസഹോദരന്മാര്‍ക്ക് പിന്തുണ പ്രഖ്യാപിച്ച് തിബത്തിലെ ആത്മീയാചാര്യന്‍ ദലൈലാമ പ്രധാനമന്ത്രിയുടെ ദുരിതാശ്വാസനിധിയിലേക്ക് സംഭാവന നല്‍കി.
‘ആശങ്കയോടെ ഇന്ത്യയുള്‍പ്പെടെ ലോകമെമ്പാടും കോവിഡ് വെല്ലുവിളിയുയര്‍ത്തുന്നതിനെ കാണുന്നത്. ഈ നിര്‍ണ്ണയാക സമയത്ത്, പിഎം കെയേഴ്‌സ് ഫണ്ടിലേക്ക് സംഭാവന ചെയ്യാന്‍ ഞാന്‍ ദലൈലാമ ട്രസ്റ്റിനോട് ആവശ്യപ്പെട്ടു,’ ദലൈലാമ ട്വിറ്ററില്‍ കുറിച്ചു.
സാഹചര്യത്തെ കൈകാര്യം ചെയ്യുന്ന എല്ലാ മുന്‍നിരപ്പോരാളികള്‍ക്കും ദലൈലാമ നന്ദി അറിയിച്ചു. ‘മഹാമാരിയുടെ ഭീഷണി ഉടനെ അവസാനിക്കാന്‍ ഞാന്‍ പ്രാര്‍ത്ഥിക്കുന്നു,’- കുറിപ്പ് അവസാനിപ്പിച്ചുകൊണ്ട് ദലൈലാമ പറഞ്ഞു. ഹിമാചല്‍ പ്രദേശിലെ ധര്‍മ്മാശാലയിലാണ് ചൈനയില്‍ നിന്നും നാടുകടത്തപ്പെട്ട ടിബറ്റന്‍ ഭരണസംവിധാനം പ്രവര്‍ത്തിക്കുന്നത്.
