കുന്നത്തൂര്‍: നിരന്തരം കള്ളക്കേസില്‍ കുടുക്കാന്‍ ശ്രമിക്കുന്ന പഞ്ചായത്തിനും സദാ ഉപദ്രവമുണ്ടാക്കുന്ന കമ്മ്യൂണിസ്റ്റ് അനുഭാവികളായ പഞ്ചായത്ത് ഉദ്യോഗസ്ഥര്‍ക്കുമെതിരെ ബിജെപി മെമ്പര്‍മാരുടെ നില്പ്പുസമരം. പോരുവഴി പഞ്ചായത്തോഫീസിനു മുന്നിലാണ് നില്പ്പുസമരം സംഘടിപ്പിച്ചത്.
നേരത്തെ അനധികൃതമായി നടത്തുന്ന മെറ്റല്‍ ക്രഷറിനെതിരെ സ്റ്റോപ്പ് മെമ്മോയ്‌ക്ക് നോട്ടീസ് നല്‍കണമെന്ന് ആവശ്യപ്പെട്ട് ബിജെപി അംഗങ്ങള്‍ രംഗത്തെത്തിയിരുന്നു. ഇതിനുശേഷം ബിജെപി മെമ്പര്‍മാരെ ഉപദ്രവിക്കുകയുണ്ടായി. സമരം ജില്ലാ പ്രസിഡന്റ് ബി.ബി. ഗോപകുമാര്‍ ഉദ്ഘാടനം ചെയ്തു. എസ്ഡിപിഐ-കോണ്‍ഗ്രസ്സ് അവിശുദ്ധ കൂട്ടുകെട്ടിലുള്ള പോരുവഴി പഞ്ചായത്ത് ഭരണത്തിന് ഒത്താശ ചെയ്യുന്ന കമ്മ്യൂണിസ്റ്റുകളുടെ കാപട്യം ജനം തിരിച്ചറിഞ്ഞതായി അദ്ദേഹം പറഞ്ഞു. പഞ്ചായത്ത് പ്രസിഡന്റ് ബിജുകുമാര്‍ അധ്യക്ഷനായി.
മണ്ഡലം പ്രസിഡന്റ് ബൈജു ചെറുപൊയ്ക, ജനറല്‍സെക്രട്ടറി സന്തോഷ് ചിറ്റേടം, അജിമോന്‍, രാജേഷ് വരവിള, നമ്പൂരേത്ത് തുളസീധരന്‍പിള്ള, മെമ്പര്‍മാരായ സ്മിത, രാജേഷ് പുത്തന്‍ പുരയില്‍, നിഖില്‍ മനോഹര്‍, മണ്ഡലം സെക്രട്ടറി അനി കുറുപ്പ്, പോരുവഴി ഹരീന്ദ്രനാഥ്, ബിജോയ് മോഹന്‍ദാസ്, രമാ ദേവരാജന്‍, രഞ്ജിത് റാം, പ്രദീപ് മോഹന്‍, ലിജോ, തങ്കമിഥുന്‍, സുജിത് എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: