തിരുവനന്തപുരം: റോളര്‍ സ്‌കേറ്റിംഗ് ഫെഡറേഷന്‍ ഓഫ് ഇന്ത്യ മൊഹാലിയില്‍ നടത്തിയ ദേശീയ കേഡറ്റ്, സബ് ജൂനിയര്‍, ജൂനിയര്‍, സീനിയര്‍, മാസ്റ്റേഴ്‌സ് റോളര്‍ സ്‌കേറ്റിംഗ് ചാമ്പ്യന്‍ ഷിപ്പില്‍ കേരളത്തിന് വേണ്ടി ബി.ജി. ബാല്‍ശ്രേയസ് സ്വര്‍ണവും ലക്ഷ്മി എസ്. ദത്ത്് വെള്ളിയും നേടി. റോളര്‍ സ്‌കൂട്ടര്‍ സീനിയര്‍, സബ് ജൂനിയര്‍ വിഭാഗത്തിലാണ് ഇവര്‍ മെഡല്‍ നേടിയത്. ദേശീയ ചാമ്പ്യന്‍ഷിപ്പില്‍ കേരളത്തില്‍ നിന്നും ആദ്യമായിട്ടാണ് രണ്ടുപേര്‍ ഈ ഇനത്തില്‍ തിളക്കമാര്‍ന്ന നേട്ടം കൈവരിച്ചത്.
കോഴിക്കോട് നടന്ന സംസ്ഥാന ചാമ്പ്യന്‍ഷിപ്പില്‍ ഇരുവരും സ്വര്‍ണം നേടിയിരുന്നു. ആരോഗ്യ വകുപ്പ് വെക്ടര്‍ കണ്‍ട്രോള്‍ യൂണിറ്റ് ഫൈലേറിയ ഇന്‍സ്പെക്ടര്‍ പി.ആര്‍. ബാലഗോപാലിന്റെയും കനറാ ബാങ്ക് തിരുവനന്തപുരം സര്‍ക്കിള്‍ ഓഫീസ് ഓഫീസര്‍ എല്‍. ഗീതയുടെയും മകനാണ് ബാല്‍ശ്രേയസ്. കൃഷിഭവന്‍ കൃഷി അസിസ്റ്റന്റ് ജൂലിയുടെയും ഡി. സജിയുടെയും മകളാണ് ലക്ഷ്മി . സ്പീഡ് സ്‌കേറ്റിംഗ്, റോളര്‍ ഹോക്കി സംസ്ഥാന അമ്പയര്‍ പി.ആര്‍. ബാലഗോപാല്‍ മുഖ്യ പരിശീലകനായിട്ടുള്ള റോളര്‍ സ്‌കേറ്റിംഗ് ക്ലബ്ബിലെ അംഗങ്ങളാണ് ഇവര്‍.
പ്രതികരിക്കാൻ ഇവിടെ എഴുതുക: