ഹിറ്റ് ഗാനങ്ങളുടെ ആശാന് മോഹന് സിതാര സിനിമാ സംവിധാന രംഗത്തേയ്ക്കും. മ്യൂസിക്കല് ലൗ സ്റ്റോറിയുമായാണ് മോഹന് സിത്താരയുടെ കാല്വെയ്പ്പ്. ഐആം സോറി എന്ന് പേര് നല്കിയ ഈ ചിത്രം പുതുമുഖങ്ങള്ക്ക് പ്രാധാന്യം നല്കിയാണ് നിര്മിക്കുന്നത്.
മോഹന് സിതാര തന്നെയാണ് ചിത്രത്തിന്റെ കഥ, തിരക്കഥ, സംഭാഷണം നിര്വഹിച്ചിരിക്കുന്നത്. മോ ഇന്റര്നാഷണല് എന്റര്ടെയ്ന്മെന്റ്സിന്റെ ബാനറില് മോഹന് സിതാര, ബിനോയ് ഇടത്തിനകത്ത്, സിന്ധു കെ, രാജേശ്വരി കെ.എസ്. എന്നിവര് ചേര്ന്ന് നിര്മിക്കുന്ന ഈ ചിത്രത്തിന്റെ ഛായാഗ്രഹണം രജിത് ടി. നന്ദനം നിര്വ്വഹിക്കുന്നു. സംഗീതവും പശ്ചാത്തല സംഗീതവും വിഷ്ണു മോഹന് സിതാര നിര്വ്വഹിക്കുന്നു. വാര്ത്ത പ്രചരണം- എ.എസ് ദിനേശ്.
