പോര്ട്ടോ: പോര്ച്ചുഗീസ് ടീമായ പോര്ട്ടോയെ വീഴ്ത്തി ചെല്സി ചാമ്പ്യന്സ് ലീഗ് സെമിഫൈനല് സാധ്യതകള് സജീവമാക്കി. പോര്ട്ടോയുടെ തട്ടകത്തില് നടന്ന ആദ്യപാദ ക്വാര്ട്ടര് ഫൈനലില് ഏകപക്ഷീയമായ രണ്ട് ഗോളുകള്ക്കാണ് ചെല്സി വിജയം നേടിയത്. രണ്ടാം പാദത്തില് തോല്ക്കാതിരുന്നാല് ചെല്സിക്ക് സെമിയിലേക്കുള്ള വഴി തുറക്കും.
മത്സരത്തിന്റെ മുപ്പത്തിരണ്ടാം മിനിറ്റില് മേസണ് മൗണ്ട്് ചെല്സിയെ മുന്നിലെത്തിച്ചു. ആദ്യ പകുതിയില് ജേതാക്കള് 1-0 ന് മുന്നിട്ടുനിന്നു. കളിയവസാനിക്കാന് അഞ്ചു മിനിറ്റ് ശേഷിക്കെ ചെല്സിയുടെ രണ്ടാം ഗോളും പിറന്നു. ചില്വില്ലാണ് ഇത്തവണ സ്കോര് ചെയ്തത്.
ചെല്സിയും പോര്ട്ടോയും തമ്മിലുള്ള രണ്ടാംപാദ ക്വാര്ട്ടര് ഫൈനല് മത്സരം ചൊവ്വാഴ്ച ചെല്സിയുടെ തട്ടകത്തില് നടക്കും.
ജന്മഭൂമി ഓണ്ലൈന്