തിരുവനന്തപുരം: തിരുവനന്തപുരം കാട്ടായിക്കോണത്ത് ബിജെപി പ്രവര്ത്തകര്ക്കു നേരേ സിപിഎം ഗൂണ്ടകളുടെ ആക്രമണം. ബിജെപി പ്രവര്ത്തകന്റെ തല അടിച്ചു പൊട്ടിച്ചു. വനിതകള്ക്കും കുട്ടികള്ക്കും നേരേയും ആക്രമണമുണ്ടായി. ബൂത്ത് ഓഫിസില് ബിജെപിക്കു വേണ്ടി സ്ലിപ്പ് എഴുതുന്നവരെയാണ് സിപിഎമ്മുകാര് ആക്രമിച്ചത്. ബൂത്തും തല്ലിതകര്ത്തു. ബൂത്ത് ഓഫീസിൽ സ്ലിപ്പ് എഴുതാൻ ഇരുന്ന പെൺകുട്ടി അടക്കം നാലുപേർക്ക് പരിക്കേറ്റു.
ബിജെപി പ്രവർത്തകൻ ബിജുകുമാർ ഏരിയ പ്രസിഡണ്ട് വിജയകുമാർ പ്രവർത്തകയായ ജ്യോതി അവരുടെ മകൾ അനാമിക എന്നിവർക്കാണ് പരിക്കേറ്റത്. ബിജു കുമാറിന്റെ തലയ്ക്ക് ഗുരുതര പരിക്കേറ്റു അനാമികയുടെ കൈ കത്തികൊണ്ട് കുത്തി കീറി. ജ്യോതിയെ കസേര കൊണ്ട് മാരകമായി മർദ്ദിച്ചു. ഇന്ന് രാവിലെ 11 മണിയോടെയാണ് സംഭവം.
നേരത്തേ, ബിജെപിക്കു വേണ്ടി കാട്ടായിക്കോണത്ത് ബൂത്ത് ഓഫിസ് ഉണ്ടായിരുന്നില്ല. എന്നാല്, ഇത്തവണ ശോഭ സുരേന്ദ്രനു വേണ്ടി സ്ത്രീകളും കുട്ടികളും രംഗത്തെത്തുകയായിരുന്നു. പോലീസ് കൃത്യമായി ഇടപെട്ടില്ലെന്ന് ആരോപിച്ച് കഴക്കൂട്ടം എന്ഡിഎ സ്ഥാനാര്ത്ഥി ശോഭ സുരേന്ദ്രന് റോഡില് കുത്തിയിരുന്നു പ്രതിഷേധിക്കുകയാണ്.
ബൂത്ത് ഓഫീസിൽ പ്രവർത്തകർ ഇരിക്കെ സിപിഎം പ്രവർത്തകർ അക്രമം അഴിച്ചുവിടുകയായിരുന്നു. കഴിഞ്ഞ നാല് ദിവസമായി പ്രദേശത്ത് സംഘർഷാവസ്ഥ നിലനിൽക്കുകയാണ്. ബിജെപി ബോർഡുകൾ വ്യാപകമായി നശിപ്പിക്കുകയും പ്രവർത്തകരെ ആക്രമിക്കുകയും ചെയ്യുന്നത് പതിവായിരുന്നു. ഇതിനെതിരെ നിരവധി തവണ പോലീസിന് പരാതി നൽകിയെങ്കിലും നടപടികൾ ഉണ്ടായിരുന്നില്ല.
ഇന്നലെ രാത്രിയും ഫ്ലക്സ് ബോർഡുകൾ നശിപ്പിച്ചു ഇതിനെതിരെ പോലീസിൽ പരാതി നൽകിയിരുന്നു. ഇന്ന് അക്രമം ആരംഭിച്ചപ്പോൾ തന്നെ സമീപത്തുള്ള പോലീസിനെ അറിയിച്ചെങ്കിലും നടപടിയെടുക്കാൻ തയ്യാറായിരുന്നില്ല.
