പൂച്ചാക്കല്‍: ചുട്ടുപൊള്ളുന്ന വേനല്‍ ചൂടില്‍ ഭക്ത ജനങ്ങള്‍ക്ക് ആശ്വാസമായി സേവാഭാരതിയുടെ കുടിവെള്ള വിതരണം. പെരുമ്പളം അരയുകുളങ്ങര ശ്രീകൃഷ്ണ സ്വാമി ക്ഷേത്രോല്‍സവത്തോടനുബന്ധിച്ചാണ് സേവാഭാരതി പെരുമ്പളം ഇക്കുറിയും ക്ഷേത്രമുറ്റത്ത് ‘ തണ്ണീര്‍ പന്തല്‍ ‘ ഒരുക്കി ഭക്തരുടെ ദാഹമകറ്റുന്നത്.
ചൂടുവെള്ളം, നാരാങ്ങാ വെള്ളം എന്നിവ ഭക്തര്‍ക്കായി സേവാഭാരതി വിതരണം ചെയ്യുന്നു. മഹോല്‍സവദിനമായ ഇന്ന് രാത്രി ചുക്കുകാപ്പിയാണ് ഭക്തര്‍ക്കായി സേവാഭാരതി ഒരുക്കിയിരിക്കുന്നത്. കൊറോണക്കാലത്ത് എട്ട് തവണയിലധികമായി നൂറുക്കണക്കിന് പച്ചക്കറി-പലവ്യഞ്ജന – ഭക്ഷ്യധാന്യ കിറ്റുകള്‍ പെരുമ്പളത്തെ പാവപ്പെട്ട വീടുകളില്‍ സേവാഭാരതി എത്തിച്ച് നല്‍കിയിരുന്നു.
