ഗുവാഹത്തി: ബിജെപി സര്ക്കാര് പ്രേമത്തിനെതിരല്ലെന്നും ജിഹാദിനാണെതിരെന്നും മധ്യപ്രദേശ് മുഖ്യമന്ത്രി ശിവരാജ് ചൗഹാന്.
ഗുവാഹത്തിയില് മാധ്യമങ്ങളെ അഭിസംബോധന ചെയ്ത് സംസാരിക്കുകയായിരുന്നു മുഖ്യമന്ത്രി. മറ്റുള്ളവരെ വഞ്ചിക്കാന് വേണ്ടി പ്രേമിക്കരുതെന്ന അഭിപ്രായമാണ് പാര്ട്ടിക്കുള്ളതെന്നും ശിവരാജ് ചൗഹാന് പറഞ്ഞു.
‘ഞങ്ങള് പ്രേമത്തിനെതിരല്ല. പക്ഷെ ജിഹാദിനെതിരാണ്. വഞ്ചിച്ചോ, ചതിച്ചോ, പേരുകള് മാറ്റിയോ പ്രേമിക്കരുത്. ഞങ്ങളാണ് മതസ്വാതന്ത്ര്യ നിയമം 2021 നടപ്പാക്കിയത്. ഇതേ രീതിയിലുള്ള നിയമം ഈ സംസ്ഥാനത്തും നടപ്പാക്കും.’ അദ്ദേഹം പറഞ്ഞു.
