സൈജു കുറുപ്പിന്റെ നൂറാമത്തെ ചിത്രത്തിന്റെ ഫസ്റ്റ്ലുക്ക് പോസ്റ്റര് പുറത്ത്. ‘ഉപചാരപൂര്വം ഗുണ്ട ജയന്’ എന്നു പേരിട്ടിരിക്കുന്ന ചിത്രത്തില് സൈജു തന്നെയാണ് നായകന്. താരത്തിന്റെ 42-ാം ജന്മദിനത്തോട് അനുബന്ധിച്ചാണ് പോസ്റ്റര് റിലീസ് ചെയ്തിരിക്കുന്നത്. അരുണ് വൈഗയാണ് കഥ എഴുതി സംവിധാനം ചെയ്യുന്നത്. വേഫെറര് ഫിലിംസിന്റെ ബാനറില് ദുല്ഖര് സല്മാനും മൈ ഡ്രീംസ് എന്റര്ടൈന്മെന്റിന്റെ ബാനറില് സെബാബ് ആനികാടും ചേര്ന്നാണ് ചിത്രം നിര്മ്മിക്കുന്നത്.
സിജു വില്സണ്, ശബരീഷ് വര്മ്മ എന്നിവരും ചിത്രത്തില് പ്രധാന കഥാപാത്രങ്ങളാകുന്നു. ജോണി ആന്റണി, ഗോകുലന്, സാബു മോന്, ഹരീഷ് കണാരന്, ഷാനി ഷാക്കി, സുധീര് കരമന, ജാഫര് ഇടുക്കി, ബിജു സോപാനം, വിജിലേഷ്, തട്ടീം മുട്ടീം ഫെയിം സാഗര് സൂര്യ, വൃന്ദ മേനോന്, നയന, പാര്വതി തുടങ്ങിയവരും വേഷമിടുന്നു.
