മലപ്പുറം: ജില്ലയിലെ തവനൂര്‍ മണ്ഡലത്തില്‍ മത്സരിക്കുമെന്ന് വ്യക്തമാക്കി വിവാദ ചാരിറ്റി പ്രവര്‍ത്തകന്‍ ഫിറോസ് കുന്നംപറമ്പില്‍. യുഡിഎഫ് നേതാക്കള്‍ തന്നെ ഫോണില്‍ ബന്ധപ്പെരുന്നുവെന്നും മത്സരിക്കാന്‍ ആവശ്യപ്പെട്ടതായും ഫിറോസ് പറഞ്ഞു. മന്ത്രി കെടി ജലീലിന്റെ സിറ്റിംഗ് സീറ്റാണ് തവനൂര്‍.
മലപ്പുറം ജില്ലയിലെ ഏതെങ്കിലും സീറ്റില്‍ ഫിറോസ് കുന്നംപറമ്പില്‍ യുഡിഎഫ് സ്ഥാനാര്‍ത്ഥിയാകുമെന്ന് റിപ്പോര്‍ട്ടുകള്‍ പുറത്തുവന്നിരുന്നു. എന്നാല്‍ പാര്‍ട്ടി നേതാക്കളുടെയോ മുന്നണിയുടെയോ ഭാഗത്ത് ഭാഗത്തുനിന്നും സ്ഥിരീകരണം ഉണ്ടായിട്ടില്ല.
പഴയ കുറ്റിപ്പുറം മണ്ഡലത്തിന്റെ ഭാഗമായിരുന്ന പ്രദേശങ്ങള്‍ ചേര്‍ന്ന തവനൂര്‍ മണ്ഡലം 2008 ലെ പുനര്‍ നിര്‍ണയത്തിലാണ് രൂപീകൃതമായത്. യുഡിഎഫ് വീതംവെക്കലില്‍ പുതിയ മണ്ഡലം കോണ്‍ഗ്രസിന് ലഭിച്ചു. ലീഗിന്റെ ഉറച്ച സീറ്റായിരുന്ന കുറ്റിപ്പുറത്തു നിന്നാണ് 1991, 1996, 2001 വര്‍ഷങ്ങളില്‍ മുന്‍ മന്ത്രി പികെ കുഞ്ഞാലിക്കുട്ടി നിയമസഭയില്‍ എത്തിയത്.
പ്രതികരിക്കാൻ ഇവിടെ എഴുതുക: