ന്യൂദല്ഹി: മലപ്പുറം ലോക്സഭാ ഉപതെരഞ്ഞെടുപ്പില് ബിജെപി ദേശീയ ഉപാധ്യക്ഷന് എ.പി.അബ്ദുള്ളക്കുട്ടി സ്ഥനാര്ഥിയാകും. ബിജെപിയുടെ കേന്ദ്ര നേതൃത്വമാണ് സ്ഥാനാര്ത്ഥിയെ ഔദ്യോഗികമായി പ്രഖ്യാപിച്ചത്. നിയമസഭാ തിരഞ്ഞെടുപ്പ് നടക്കുന്ന ഏപ്രില് ആറിനാണ് മലപ്പുറം ലോക്സഭാ മണ്ഡലത്തിലെ ഉപതെരഞ്ഞെടുപ്പും നടക്കുന്നത്. മുസ്ലിം ലീഗ് പ്രതിനിധിയായ പി.കെ.കുഞ്ഞാലിക്കുട്ടി രാജിവച്ച ഒഴിവിലേക്കാണ് ഉപതിരഞ്ഞെടുപ്പ് നടക്കുന്നത്.
മുസ്ലിം ലീഗും ഇടത് മുന്നണിയും ഉപതെരഞ്ഞെടുപ്പിനുള്ള സ്ഥാനാര്ഥിയെ ഇതുവരെ പ്രഖ്യാപിച്ചിട്ടില്ല. 2019-ലെ ലോകസഭാ തിരഞ്ഞെടുപ്പില് ബിജെപിയുടെ ഉണ്ണികൃഷ്ണന് 82,332 വോട്ടുകളാണ് മലപ്പുറത്തുനിന്നും ലഭിച്ചത്.
