തിരുവനന്തപുരം: ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍ നയിക്കുന്ന വിജയ യാത്ര ഇന്ന് സമാപിക്കും. സമ്മേളനത്തില്‍ അമിത് ഷാ മുഖ്യാതിഥിയാകും. വൈകിട്ട് ശംഖുമുഖത്താണ് സമാപന സമ്മേളനം.
ഇന്ന് വൈകീട്ട് നാലുമണിയോടെ തിരുവനന്തപുരത്ത് എത്തുന്ന അമിത് ഷാ ബിജെപി കോര്‍ കമ്മിറ്റി യോഗത്തിലും ശ്രീരാമകൃഷ്ണ മഠത്തില്‍ നടക്കുന്ന സന്യാസി സംഗമത്തിലും പങ്കെടുക്കും. തുടര്‍ന്ന് 5.30ന് ശംഖുമുഖം കടപ്പുറത്ത് വിജയ യാത്രയുടെ സമാപന സമ്മേളനം അദ്ദേഹം ഉദ്ഘാടനം ചെയ്യും.
കേന്ദ്ര മന്ത്രിമാരായ പ്രഹ്‌ളാദ് ജോഷി, വി.മുരളീധരന്‍, കര്‍ണാടക ഉപമുഖ്യമന്ത്രി അശ്വഥ് നാരായണ്‍, ബിജെപി സംഘടനാ ചുമതലയുള്ള ജനറല്‍ സെക്രട്ടറി ബി.എല്‍.സന്തോഷ്, കേരള പ്രഭാതി സി.പി.രാധാകൃഷ്ണന്‍ , ബിജെപി ജില്ലാ പ്രസിഡന്റ് വി.വി.രാജേഷ് എന്നിവര്‍ വിജയ യാത്രയുടെ സമാപന സമ്മേളനത്തില്‍ സന്നിദ്ധ്യമാകും.
വിജയ യാത്രക്കിടെ സംസ്ഥാനത്തുടനീളം വിവിധ രാഷ്‌ട്രീയ പാര്‍ട്ടികളില്‍ നിന്നായി നൂറുകണക്കിന് പ്രവര്‍ത്തകരും നേതാക്കളുമാണ് ബിജെപിയില്‍ ചേര്‍ന്നത്. മെട്രോമാന്‍ ഇ ശ്രീധരന്‍ ഉള്‍പ്പെടെയുള്ള പ്രമുഖരുടെ നീണ്ട നിര തന്നെ വിജയ യാത്രയില്‍ എത്തിയിരുന്നു.
പ്രതികരിക്കാൻ ഇവിടെ എഴുതുക: