വിനോദ് ഗുരുവായൂര് സംവിധാനം ചെയ്യുന്ന ആദ്യത്തെ തമിഴ് സിനിമ പഴനി നെയ്ക്കാരപെട്ടിയില് മെയ് 15ന് ചിത്രീകരണം ആരംഭിക്കും. തമിഴ്നാട്ടിലെ വലിയൊരു ആചാരമെന്നു തന്നെ പറയാവുന്ന ജെല്ലിക്കട്ട് ഉത്സവാഘോഷത്തെ ആസ്പദമാക്കിയാണ് ചിത്രം ഒരുക്കിട്ടുള്ളത്.
അപ്രതീക്ഷിതമായിട്ടാണ് ഈ സിനിമയിലേക്ക് എത്തിയതെങ്കിലും തന്റെ വളരെ കാലത്തെ സ്വപ്നമായിരുന്നു തമിഴ് സിനിമയിലേക്കുള്ള രംഗപ്രവേശം. തമിഴ്നാടും തമിഴ് സംസ്കാരവും തന്നെ എന്നും ആകര്ഷിച്ചിരുന്നു. അവരുടെ ജീവിത കാഴ്ചപ്പാടുകളും കാര്ഷിക സംസ്കാരവും എന്നില് കൗതുകം ഉണര്ത്തിയിരുന്നു.
മൂന്ന് വര്ഷങ്ങള്ക്കു മുമ്പുണ്ടായ ജെല്ലിക്കട്ട് നിരോധനവും തുടര്ന്നുണ്ടായ സമരവും പ്രത്യേക ഓര്ഡിനന്സിലൂടെ നിരോധനം നീക്കലുമൊക്കെ ലോക ശ്രദ്ധയാകര്ഷിച്ച സംഭവങ്ങളാണ്. പഴനിയിലെ റിച്ച് മള്ട്ടി മീഡിയയുടെ ഡയറക്ടര് ഡോക്ടര് ജയറാം ശിവറാം ജല്ലിക്കട്ട് പ്രമേയമാക്കി ഒരു സിനിമ ചെയ്യണമെന്ന ആഗ്രഹവുമായി എത്തിയപ്പോള് വലിയ സന്തോഷത്തോടെ താനത് ഏറ്റെടുക്കുകയായിരുന്നെന്ന് സംവിധായകന് വിനോദ് ഗുരുവായൂര് പറഞ്ഞു.
ജെല്ലിക്കട്ട് മത്സരത്തിന്റെ ഒരുക്കങ്ങളും അതുമായി ബന്ധപ്പെട്ടുണ്ടാകുന്ന സംഭവങ്ങളും അതില് പങ്കെടുക്കുന്നവരുടെ ഹൃദയ സ്പര്ശിയായ ജീവിത മുഹൂര്ത്തങ്ങളുമാണ് ഈ സിനിമയില് ദൃശ്യവത്കരിക്കുന്നത്. തമിഴ്നാട്ടില് ജല്ലിക്കട്ട് നടക്കാറുള്ള പഴനിയിലെ നെയ്ക്കാരപെട്ടിയില് മെയ് 15ന് ഷൂട്ടിംഗ് ആരംഭിക്കും. വാര്ത്താ പ്രചരണം: എ.എസ്. ദിനേശ്.
