സെന്തില് കൃഷ്ണയെ നായകനാകുന്ന ‘ഉടുമ്പി’ന്റെ സെക്കന്ഡ് ലുക്ക് പോസ്റ്റര് പുറത്തിറങ്ങി. കണ്ണന് താമരക്കുളം സംവിധാനം ചെയ്യുന്ന ചിത്രത്തിന്റെ സെക്കന്ഡ് ലുക്ക് പോസ്റ്റര് സുരേഷ്ഗോപി തന്റെ ഫേസ്ബുക്ക് പേജിലൂടെയാണ് റിലീസ് ചെയ്തത്. ആക്ഷന് ത്രില്ലറായ ചിത്രത്തിന്റെ ടീറസും ഫസ്റ്റ് ലുക്ക് പോസ്റ്റും ഏറെ ജനശ്രദ്ധ പിടിച്ചുപറ്റിയിരുന്നു.
തികച്ചും വ്യത്യസ്തമായ ഗറ്റപ്പിലാണ് സെന്തില് ഈ സിനിമയില് അഭിനയിക്കുന്നത്. സെന്തിലിനൊപ്പം ചിത്രത്തില് അലന്സിയര് ലോപ്പസ്, ഹരീഷ് പേരാടി, ധര്മ്മജന് ബോള്ഗാട്ടി, സാജല് സുദര്ശന്, മന്രാജ്, മുഹമ്മദ് ഫൈസല്, വി.കെ ബൈജു,ജിബിന് സാഹിബ്, എല്ദോ ടി.ടി, പുതുമുഖങ്ങളായ ആഞ്ചലീന, യാമി തുടങ്ങിയവരും അഭിനയിക്കുന്നു.
ത്രില്ലര് പശ്ചാത്തിലൊരുക്കുന്ന ചിത്രത്തിന്റെ തിരക്കഥ ഒരുക്കുന്നത് അനീഷ് സഹദേവനും ശ്രീജിത്ത് ശശിധരനും ചേര്ന്നാണ്. 24 മോഷന് ഫിലിംസും കെ.ടി മൂവി ഹൗസും ചേര്ന്ന് നിര്മിക്കുന്ന ചിത്രത്തില് രവിചന്ദ്രനാണ് ഛായാഗ്രഹണം നിര്വഹിക്കുന്നത്.
സാനന്ദ് ജോര്ജ് ഗ്രേസ് ആണ് സംഗീതം. വി.ടി. ശ്രീജിത്ത്- എഡിറ്റിങ്. ഏറെ വൈലന്സിന് പ്രാധാന്യമുള്ള ചിത്രത്തില് ബ്രൂസ്ലീ രാജേഷ് ആക്ഷന് കൈകാര്യം ചെയ്യുന്നു. പ്രസന്ന സുജിത്ത്, ഷിജു മുപ്പത്തേടം, ശ്രീജിത്ത് ശിവനന്ദന് എന്നിവര് ചേര്ന്ന് കൊറിയോഗ്രഫി നിര്വഹിക്കുന്നു. ഏപ്രിലില് ചിത്രം റിലീസാകും.
