ചേര്‍ത്തല: സംസ്ഥാന ഷൂട്ടിങ് ചാമ്പ്യന്‍ഷിപ്പ് 21 മുതല്‍ 27 വരെ ചേര്‍ത്തല സെന്റ് മൈക്കിള്‍സ് കോളേജിലെ ജില്ലാ റൈഫിള്‍ അസോസിയേഷന്‍ ഷൂട്ടിങ് റേഞ്ചില്‍ നടക്കും. 14 ജില്ലകളില്‍ നിന്നായി 700 ഓളം പുരുഷ, വനിത താരങ്ങള്‍ പങ്കെടുക്കും. സംസ്ഥാന റൈഫിള്‍ അസോസിയേഷന്റെ നിയന്ത്രണത്തില്‍ നടക്കുന്ന മത്സരങ്ങളില്‍ വിജയികളാകുന്നവര്‍ ദേശീയ മത്സരത്തില്‍ പങ്കെടുക്കാന്‍ അര്‍ഹത നേടുമെന്നും അവര്‍ പറഞ്ഞു.
റൈഫിള്‍, പിസ്റ്റള്‍ എന്നിവയില്‍ ഏഴ് കാറ്റഗറിയിലായി ജൂനിയര്‍, സീനിയര്‍, വെറ്ററന്‍ വിഭാഗങ്ങളിലായാണ് മത്സരം. വനിതകള്‍ക്ക് പ്രത്യേക മത്സരമുണ്ട്. 21 ന് വൈകിട്ട് നാലിന് ആലപ്പുഴ നഗരചത്വരത്തില്‍ നിന്ന് വിളംബര ജാഥ ആരംഭിക്കും. മന്ത്രി ജി. സുധാകരന്‍ ഫ്ളാഗ് ഓഫ് ചെയ്യും. 6.30 ന് കമാന്‍ഡിങ് ഓഫീസര്‍ അനില്‍ ജോസഫ് ഉദ്ഘാടനം ചെയ്യും. മന്ത്രി പി. തിലോത്തമന്‍ അദ്ധ്യക്ഷനാകും. 22 മുതല്‍ 27 വരെ രാവിലെയും വൈകിട്ടുമായി കോവിഡ് മാനദണ്ഡങ്ങള്‍ പാലിച്ചാണ് മത്സരങ്ങള്‍ നടത്തുന്നത്.
പ്രതികരിക്കാൻ ഇവിടെ എഴുതുക: