കുമാരനാശാന്റെ കരുണ പ്രണയ കാവ്യത്തെ ആസ്പദമാക്കിയുള്ള മ്യൂസിക്കല്‍ വീഡിയോ ആല്‍ബം പുറത്തിറങ്ങി. കാമിതം എന്ന് പേര് നല്‍കിയുട്ടുള്ള ആല്‍ബം നടന്‍ മോഹന്‍ലാല്‍, അപര്‍ണ ബാലമുരളി, സംഗീത സംവിധായകന്‍ ശരത് എന്നിവരുടെ ഫേസ്ബുക് പേജിലൂടെയാണ് റിലീസ് ചെയ്തിരിക്കുന്നത്.
സുദീപ് ഇ.എസ്. ആണ് ചിത്രത്തിന്റെ സംവിധാനം, ഛായാഗ്രഹണം, എഡിറ്റിങ് എന്നിവ നിര്‍വഹിക്കുന്നത്. രാഖി കൃഷണ വരികള്‍ക്ക് വിദ്യാധരന്‍ മാസ്റ്റര്‍ സംഗീതം പകരുന്ന ഈ ആല്‍ബത്തിലെ ഗാനം പിന്നണി ഗായകന്‍ ലിബിന്‍ സ്‌ക്കറിയ ആലപിക്കുന്നു. റാഷന്‍ ബഷീര്‍, ഗോപിക അനില്‍, ദേവി ചന്ദ്രന്‍ എന്നിവരാണ് അഭിനേതാക്കള്‍. സത്യം ഓഡിയോസാണ് ആല്‍ബം അവതരിപ്പിക്കുന്നത്. വാര്‍ത്ത പ്രചരണം- എ എസ് ദിനേശ്.
