സോള്‍ട്ട് ആന്‍ഡ് പെപ്പര്‍ എന്ന ചിത്രത്തിലൂടെ മലയാളികളുടെ പ്രീയപ്പെട്ട കുക്കായി മാറിയ ബാബുരാജിന്റെ ബ്ലാക്ക് കോഫി ഈ മാസം 19ന് തിയേറ്ററുകളില്‍. ബാബുരാജ് തിരക്കഥയെഴുതി സംവിധാനം നിര്‍വഹിക്കുന്ന ചിത്രത്തില്‍ കുക്ക് ബാബുവും കാളിദാസനും മായയുമെല്ലാം കേന്ദ്ര ഥാപാത്രങ്ങളാണ്.
ലാലും ശ്വേത മേനോനും തന്നെയാണ് ഇവ അതരിപ്പിക്കുന്നത്. ഇതോടൊപ്പം സണ്ണി വെയ്ന്‍,സിനി സൈനുദ്ദീന്‍,മൂപ്പനായി അഭിനയിച്ച കേളുമൂപ്പനും അഭിനയിക്കുന്നു. കാളിദാസനുമായി തെറ്റിയ കുക്ക് ബാബു നാല് പെണ്‍കുട്ടികളുള്ള ഫ്‌ളാറ്റിലെ പാചകക്കാരനാകുന്നതോടെയാണ് ബ്ലാക്ക് കോഫി തുടങ്ങുന്നത്. സുധീര്‍ കരമന, ഇടവേള ബാബു, സുബീഷ് സുധി, സ്ഫടികം ജോര്‍ജ്ജ്, സാജൂ കൊടിയന്‍, കോട്ടയം പ്രദീപ്, സാലു കൂറ്റനാട്, ഒവിയ, ലെന, രചന നാരായണന്‍ കുട്ടി, ഓര്‍മ ബോസ്, പൊന്നമ്മ ബാബു, തെസ്‌നിഖാന്‍, അംബിക മോഹന്‍ തുടങ്ങിയവരാണ് മറ്റു പ്രമുഖ താരങ്ങള്‍.
വിശ്വദീപ്തി ഫിലിംസിന്റെ ബാനറില്‍ സജീഷ് മഞ്ചേരി നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം ജെയിംസ് ക്രിസ് നിര്‍വ്വഹിക്കുന്നു. റഫീഖ് അഹമ്മദ്, സന്തോഷ് വര്‍മ്മ എന്നിവരുടെ വരികള്‍ക്ക് ബിജിബാല്‍ സംഗീതം പകരുന്നു. ഗായകര്‍- ജാസി ഗിഫ്റ്റ്, മഞ്ജരി,
എഡിറ്റര്‍- സന്ദീപ് നന്ദകുമാര്‍, പ്രൊഡക്ഷന്‍ കണ്‍ട്രോളര്‍- മുകേഷ് തൃപ്പൂണിത്തറ, കല- രാജീവ് കോവിലകം, ജോസഫ്. വാര്‍ത്താ പ്രചരണം-എ.എസ.് ദിനേശ്.
