കോട്ടയം: തനിക്കു ലഭിച്ച പദ്മശ്രീ പുരസ്കാരം ഭാഗവതഹംസം മള്ളിയൂര് ശങ്കരന് നമ്പൂതിരിയുടെ തൃപ്പാദങ്ങളില് സമര്പ്പിക്കുകയാണെന്ന് പ്രശസ്ത ഗാനരചയിതാവ് കൈതപ്രം ദാമോദരന് നമ്പൂതിരി. മള്ളിയൂര് ജന്മശതാബ്ദി ആഘോഷച്ചടങ്ങില് ആദരം ഏറ്റുവാങ്ങിയശേഷം സംസാരിക്കുകയായിരുന്നു അദ്ദേഹം.
നാല്പതു വര്ഷം മുമ്പ് താന് മള്ളിയൂരില് എത്തുകയും ശങ്കരന് നമ്പൂതിരിയെ കാണുകയും ചെയ്തിരുന്നു. തന്റെ ജീവിതത്തിലുണ്ടായ എല്ലാ ഐശ്വര്യങ്ങള്ക്കും കാരണമായത് അദ്ദേഹത്തിന്റെ അനുഗ്രഹമാണ്. ലോകത്തിന്റെ മുഴുവനും തന്റെയും ഗുരുവാണ് മള്ളിയൂര് ശങ്കരന് നമ്പൂതിരിയെന്നും കൈതപ്രം കൂട്ടിച്ചേര്ത്തു.
