ന്യൂദല്ഹി: ദല്ഹിയിലെ ഇസ്രയേല് എംബസിക്കു സമീപം സ്ഫോടനം. ഇന്നു വൈകിട്ട് 6.10നാണ് സ്ഫോടനം ഉണ്ടായത്. എംബസിക്കു സമീപത്തെ നടപ്പാതയിലാണ് സ്ഫോടനമുണ്ടായതെന്ന് പോലീസ് വ്യക്തമാക്കി. സംഭവത്തില് ആര്ക്കും പരിക്കേറ്റിട്ടില്ലെന്ന് ദല്ഹി പോലീസ് അറിയിച്ചു. നിര്ത്തിയിട്ടിരുന്ന കാറിലാണ് സ്ഫോടനം ഉണ്ടായത്.
സംഭവത്തെ തുടര്ന്നു അബ്ദുള് കലാം റോഡ് അടച്ചു. ദല്ഹിയില് പരിശോധനയും കര്ശനമാക്കിയിട്ടുണ്ട്. വിജയചൗക്കില്നിന്ന് രണ്ട് കിലോമീറ്റര് അകലെയാണ് സ്ഫോടനം നടന്നത്. സമീപത്ത് നിര്ത്തിയിട്ടിരുന്ന നാലില് അധികം കാറുകള്ക്ക് കേടുപാടുകള് സംഭവിച്ചിട്ടുണ്ട്.
