കൊട്ടാരക്കര: ആനക്കോട്ടൂരില്‍ സിപിഎം ബ്രാഞ്ച് സെക്രട്ടറി ഉള്‍പ്പെടെ വിവിധ രാഷ്‌ട്രീയപാര്‍ട്ടിയില്‍ നിന്നും ഇരുപതോളം പേര്‍ ബിജെപിയില്‍ ചേര്‍ന്നു. സിപിഎം ബ്രാഞ്ച് സെക്രട്ടറി സന്തോഷ് കുളങ്ങുവിള, കോണ്‍ഗ്രസ് ബൂത്ത് സെക്രട്ടറി ജോണ്‍സണ്‍, കേരള കോണ്‍ഗ്രസ് (ബി) പഞ്ചായത്ത് സെക്രട്ടറി സന്തോഷ് ഇടത്തോണി, ആനക്കോട്ടൂരില്‍ സ്വതന്ത്രസ്ഥാനാര്‍ത്ഥിയായി മത്സരിച്ച് 185 വോട്ട് നേടിയ പ്രതിഭാഹരിയുടെയും നേതൃത്വത്തില്‍ 20 പേരാണ് ബിജെപിയില്‍ ചേര്‍ന്നത്.
ബൂത്ത് പ്രസിഡന്റ് അനില്‍കുമാറിന്റെ അധ്യക്ഷതയില്‍ സംഘടിപ്പിച്ച യോഗം മണ്ഡലം പ്രസിഡന്റ് അഡ്വ. വയയ്‌ക്കല്‍ സോമന്‍ ഉദ്ഘാടനം ചെയ്തു. ചടങ്ങില്‍ മണ്ഡലം ജനറല്‍ സെക്രട്ടറി ശാലു കുളക്കട, നെടുവത്തൂര്‍ പഞ്ചായത്ത് സമിതി പ്രസിഡന്റ് ശരണ്യ സന്തോഷ്, പഞ്ചായത്ത് സെക്രട്ടറി സന്തോഷ് പത്മശ്രീ, മഹിളാമോര്‍ച്ച പ്രസിഡന്റ് അനില കുമാരി, ബിജുകുമാര്‍, രാജീവ് കുമാര്‍ തുടങ്ങിയവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: