ശബരിമല: 2021 ലെ ഹരിവരാസനം അവാര്ഡ് സംഗീതജ്ഞന് വീരമണി രാജുവിന് നളെ ദേവസ്വം മന്ത്രി കടകംപള്ളി സുരേന്ദ്രന് സമ്മാനിക്കും. രാവിലെ എട്ടിന് ശബരിമല സന്നിധാനം ഓഡിറ്റോറിയത്തില് നടക്കുന്ന ചടങ്ങില് രാജു എബ്രഹാം എം.എല്.എ അധ്യക്ഷത വഹിക്കും.
തിരുവിതാംകൂര് ദേവസ്വം ബോര്ഡ് പ്രസിഡന്റ് എന്. വാസു സ്വാഗതം പറയുന്ന ചടങ്ങില് ദേവസ്വം പ്രിന്സിപ്പല് സെക്രട്ടറി കെ.ആര്. ജ്യോതിലാല് പ്രശസ്തിപത്രം വായിക്കും. പുരസ്കാര നിര്ണയ സമിതി ചെയര്മാന് കെ. ജയകുമാര്, ദേവസ്വം ഓംബുഡ്സ്മാന് ജസ്റ്റിസ് (റിട്ട.) പി.ആര്. രാമന്, ഉന്നതാധികാര സമിതി ചെയര്മാന് ജസ്റ്റിസ് (റിട്ട.) സിരിജഗന് എന്നിവര് മുഖ്യപ്രഭാഷണം നടത്തും.
