തിരുവനന്തപുരം; മുഖ്യമന്ത്രിയുടെ നിര്ദേശപ്രകാരം പാലാ എംഎല്എ മാണി സി.കാപ്പനും മന്ത്രി എ.കെ. ശശീന്ദ്രനും തമ്മില് നടത്തിയ അനുരഞ്ജന ചര്ച്ച പൊളിഞ്ഞു.
നേരത്തെ മുഖ്യമന്ത്രി പിണറായി വിജയന് സമവായം തേടി ഇരുവരുമായി പ്രത്യേകം ചര്ച്ച നടത്തിയിരുന്നു. ഇരുവരും ഇടതുമുന്നണിയില് നിന്നും പുറത്തുപോവാതെ തര്ക്കം തമ്മില്പറഞ്ഞു തീര്ക്കണമെന്ന നിര്ദേശമായിരുന്നു വിജയന്. പക്ഷെ മാണി സി കാപ്പനും ശശീന്ദ്രനും തമ്മില് കൂടിക്കാഴ്ച നടത്തിയപ്പോള് പാലാ സീറ്റിനെച്ചൊല്ലി ഇരുവരും തല്ലിപ്പിരിയുകയായിരുന്നു.
പാലസീറ്റ് വീട്ടുകൊടുക്കില്ലെന്ന നിലപാട് മാണി സി കാപ്പന് ആവര്ത്തിച്ചു. എന്നാല് പാലാ സീറ്റ് സംബന്ധിച്ചും എന്സിപിയ്ക്ക് നാല് സീറ്റെന്നത് സംബന്ധിച്ചും ഉറപ്പ് പറയാനാവില്ലെന്ന നിലപാടായിരുന്നു ശശീന്ദ്രന്. ഇക്കാര്യത്തില് മുഖ്യമന്ത്രിയുടെ നിലപാട് അപ്പാടെ ആവര്ത്തിക്കുകയാണ് ശശീ്ന്ദ്രന്.
ഇനി അവസാന ഒത്തുതീര്പ്പെന്ന നിലയില് എന്സിപി സംസ്ഥാനഅധ്യക്ഷന് ടിപി പീതാംബരന് ചൊവ്വാഴ്ച മുഖ്യമന്ത്രിയുമായി ചര്ച്ച നടത്തും. പക്ഷെ പാലാ സീറ്റും നാല് സീറ്റും എന്ന ഉറച്ച നീലപാട് തന്നെയാണ് ടിപി പീതാംബരന്മാസ്റ്റര്ക്കെന്നതിനാല് നാളത്തെ ചര്ച്ചയും പൊളിയാന് സാധ്യതയുണ്ടെന്നാണ് വിലയിരുത്തല്.
