കൊച്ചി;പുറപ്പെടേണ്ടതിന് ഒന്നര മണിക്കൂര് മുമ്പ് തന്നെ ദുബായിലേക്കുള്ള യാത്രാവിമാനം കരിപ്പൂര് വിമാനത്താവളത്തില് നിന്നും പുറപ്പെട്ട സംഭവം വിവാദമാവുന്നു.
ഈ അസാധാരണ സംഭവത്തിലൂടെ 14 യാത്രക്കാരുടെ യാത്ര മുടങ്ങിയതോടെയാണ് പ്രശ്നം വിവാദമായത്. ശനിയാഴ്ച 3.15ന് പുറപ്പെടേണ്ട ദുബായ് ഫ്ളൈറ്റാണ് 1.45ന് തന്നെ പറന്നുയര്ന്നത്. കുറച്ച് വൈകി ചെക്കിന് ചെയ്യാനെത്തിയ 14 യാത്രക്കാര് യാത്ര മുടങ്ങിയതോടെ വിമാനത്താവളത്തില് പ്രതിഷേധിക്കാന് തുടങ്ങിയതോടെയാണ് സംഭവം പുറത്തറിഞ്ഞത്. ഒടുവില് വിമാനക്കമ്പനി അധികൃതര് യാത്ര മുടങ്ങിയവര്ക്ക് രാത്രി ഫ്ളൈറ്റില് ടിക്കറ്റ് വാഗ്ദാനം ചെയ്ത് സംഭവം ഒത്തുതീര്പ്പാക്കുകയായിരുന്നു.
ഫ്ളൈറ്റ് ഷെഡ്യൂള് ചെയ്ത സമയത്തിന് മുമ്പ് പുറപ്പെട്ടതിലെ ദുരൂഹത അവശേഷിക്കുകയാണ്. വിമാനക്കമ്പനിക്കാരുടെ ഇതിന് പിന്നിലെ പ്രചോദനമെന്തെന്ന ചോദ്യത്തിന് ഇനിയും ഉത്തരമായില്ല.
