തിരുവനന്തപുരം: ഫുട്ബോള് താരം ഐ എം വിജയന്റെ സിനിമാജീവിതത്തില് നാഴികക്കല്ലാവുമെന്ന് പ്രതീക്ഷിക്കുന്ന ‘മ്.. മ്.. മ് ‘ സിനിമയുടെ പോസ്റ്റര് റിലീസ് ചെയ്തു. പ്രശസ്ത ഇന്ത്യന് ഫുട്ബോള് താരവും പദ്മശ്രീ ജേതാവുമായ ഭായ്ചഗ് ഭൂട്ടിയയാണ് പോസ്റ്റര് പുറത്തുവിട്ടത്. ചിത്രത്തിന് എല്ലാവിധ ഭാവുകങ്ങളും നേരുന്നതായി അദ്ദേഹം സമൂഹമാധ്യമ ത്തില് പങ്കുവെച്ച അഭിനന്ദന സന്ദേശത്തിലൂടെ അറിയിച്ചു.
‘ ഈ പോസ്റ്റര് റിലീസ് ചെയ്യാനുള്ള ഭാഗ്യം ലഭിച്ചതില് അങ്ങേയറ്റം സന്തോഷവും അഭിമാനവും തോന്നുന്നു.
എന്റെ പ്രിയപ്പെട്ട സുഹൃത്ത്, ഫുട്ബോള് ഇതിഹാസം ഐ.എം.വിജയന് ഭായിയുടെ ഏറ്റവും പുതിയ ചിത്രമായ ‘ഉം ..എന്ന സിനിമയാണ് ഇത്.
ഇതില് നായകനായാണ് അദ്ദേഹം അഭിനയിക്കുന്നത് !!! അദ്ദേഹത്തിനും ഒപ്പം സംവിധായകന് വിജീഷ് മണിക്കും, നിര്മ്മാതാവ് സോഹന് റോയിക്കും ഒരു മികച്ച ‘ഗെയിം ‘ സ്ക്രീനില് ചെയ്യാന് സാധിയ്ക്കട്ടെ എന്ന് ആശംസിയ്ക്കുന്നു !!! ‘ ഭൂട്ടിയ പറഞ്ഞു.
സോഹന് റോയ് നിര്മ്മിക്കുന്ന ചിത്രത്തിന്റെ സംവധാനം വിജീഷ് മണിയാണ്. അഭിനയ ജീവിതത്തെ തന്നെ മാറ്റിമറിക്കുന്ന ഒരു പ്രത്യേക ഗെറ്റപ്പിലുള്ള വേഷമാണ് ഐ എം വിജയനു വേണ്ടി ഒരുക്കിയിരിക്കുന്നതെന്ന് സംവിധായകന് വിജീഷ് മണി പറഞ്ഞു.
