ഭോപ്പാല്: വിവാഹശേഷം ഇസ്ലാം മതം സ്വീകരിക്കാത്തതിനാല് ഭര്ത്താവ് തന്നെ നിരന്ത്രം പീഡിപ്പിക്കുന്നുവെന്ന് ഹിന്ദു യുവതിയുടെ പരാതിയില് മധ്യപ്രേദേശ് പോലീസ് ഭര്ത്താവിനെ അറസ്റ്റ് ചെയ്തു. മധ്യപ്രദേശിലെ ധന്പൂരിലാണ് സംഭവം. പ്രണയ വിവാഹത്തിന് ശേഷം തന്നെ ഉര്ദുവും അറബിയും പഠിക്കാന് നിര്ബന്ധിച്ചതായും, വിസമ്മതിച്ചതിനാല് തന്നെ ശാരീരികമായി പീഡിപ്പിച്ചതായും യുവതി പരാതിയില് പറയുന്നു.
രണ്ട് വര്ഷം മുന്പാണ് യുവതി ഇര്ഷാദ് ഖാന് എന്ന യുവാവിനെ മുസ്ലീം മതാചാര പ്രകാരം വിവാഹം കഴിച്ചത്. വളരെ കാലമായി ഇവര്തമ്മില് അടുപ്പത്തിലായിരുന്നു. യുവതിയുടെ മാതാപിതാക്കള് വിവാഹം നടത്താന് വിസമ്മതിച്ചതിനാല് 2018 ല് വീട് വിട്ട് യുവാവിനൊപ്പം പോകുകയായിരുന്നു. എന്നാല് വിവാഹശേഷം തന്നെ മതംമാറാന് ഇര്ഷാദ് ഖാന് നിരന്തരം നിര്ബന്ധിക്കുകയും വഴങ്ങാത്തതിനാല് ശാരീരികമായി മര്ദിക്കുകയും ചെയ്തതായി യുവതി പറയുന്നു. തനിക്ക് തെറ്റുപറ്റിയെന്നും മാതാപിതക്കള്ക്കൊപ്പം ഇനിയുളള കാലം ജീവിക്കാന് ആഗ്രഹിക്കുന്നതായും യുവതി പോലിസിനോട് പറഞ്ഞു.
ഇര്ഷാദിനെ 1968 ലെ മത സ്വാതന്ത്ര്യ നിയമപ്രകാരമാണ് മധ്യപ്രദേശ് പോലീസ് അറസ്റ്റ് ചെയ്തിരിക്കുന്നത്. ലൗ ജിഹാദിനെതിരെ നിയമ നിര്മാണം നടത്തുമെന്ന് മധ്യപ്രദേശ് സര്ക്കാര് പ്രഖ്യാപിച്ചതിന് പിന്നാലെ് ഇത്തരം ഒരു കേസ് ഉയര്ന്നുവന്നത് വലിയ ചര്ച്ച സമൂഹത്തില് സൃഷ്ടിച്ചിരിക്കുകയാണ്.
